ونى تۇبىرىمەن قوزعاماساڭ, بەتىنەن قالقىپ شەشۋ قيىن. سوسىن ءساندى كابينەتتە وتىرىپ وتكىزەتىن جينالىستار قاپتادى. ارينە, ونداي جينالىس كەرەك ەمەس دەمەيمىن, كەرەك تە شىعار. بىراق كىل شەنەۋنىك, مينيسترلەر ۇستەل باسىندا ءبىر-بىرىنە جاعىمدى ءسوز ايتىپ, ءبىر-ءبىرىن ماقتاپ, سونىمەن جيىن دا اياقتالادى. ال قاراپايىم حالىق تۇرمىستىق تۇيتكىلدەرمەن بەتپە-بەت قالا بەرەدى.
سودان سوڭ پارتيانىڭ باسىندا وتىرعان ازاماتتار ءبىر-بىرىنە مۇلدە سىن ايتپايدى. سىن ايتسا, جاۋ كورەدى. سىن دەگەن جۇمىستىڭ تۇزەلۋى ءۇشىن ايتىلادى. سىن ايتىلدى ما, دەمەك ولقى سوعىپ تۇرعان تۇسىن تۇزە دە, ءارى قاراي جۇمىستى جالعاستىرا بەر. بۇل جەردە باسقا قيسىن جوق. سوندىقتان پارتيا ەندىگى كەزەكتە سىنعا دايىن بولۋى كەرەك, سىننان قورىتىندى شىعارا ءبىلۋى كەرەك دەپ سانايمىن. سىندى جانى اشىعاندىقتان ايتادى.
جاڭارعان پارتيامەن تىزە قوسىپ جۇمىس ىستەۋگە دايىنبىز. بۇرىن دا جۇمىس ىستەپ كەلدىك. دەگەنمەن ەندى جۇمىس تاكتيكاسى وزگەرۋى كەرەك دەگەن ويدامىن. پارتيا ۇكىمەتتىك ەمەس ۇيىمداردىڭ, ازاماتتىق قوعام وكىلدەرىنىڭ كوزقاراس, ۇسىنىسىنا قۇلاعىن تۇرسە, بىرىگىپ جۇمىس اتقارسا, ءسوزسىز ناتيجە بولادى. ءوز كەزەگىمىزدە ءبىز دە كاسىبي تاجىريبەمىزدى, اقىل-كەڭەسىمىزدى ۇسىنۋعا دايىنبىز. تاعى ءبىر ايتا كەتەرلىك جايت, بىلتىر پارتيا پرايمەريز وتكىزدى. سوندا شىنىمەن ەلگە جانى اشيتىن, قولىنان ءىس كەلەتىن قانشاما ازامات سوڭعى تىزىمنەن تىس قالدى. سوڭىندا پارتيا ءۇشىن جۇگىرگەن, قايتسەم ەلگە پايدامدى تيگىزەمىن دەگەن بىلىكتى مامانداردىڭ سەنىمىنە سەلكەۋ ءتۇستى, كوڭىلدەرى سوقپاي قالدى. ءتۇڭىلدى. ەندىگى كەزەكتە پارتيا تاراپىنان مۇنداي ادىلەتسىز ارەكەتتەر بولمايدى, ەل مەن حالىق مۇددەسى ءار كەز ءبىرىنشى ورىندا بولادى دەپ سەنەمىز.
پارتيا ەلدىڭ يدەولوگيالىق تىرەگىنە اينالۋى كەرەك. ەكونوميكا, بيزنەس ماسەلەلەرى پارتياسىز دا شەشىلەدى. ونىمەن اينالىساتىن ۇكىمەت, سالالىق مينيسترلىكتەر بار. مەنىڭشە, پارتيا جۇمىسى ءبىرىنشى كەزەكتە يدەولوگيالىق ماسەلەلەرگە باعىتتالعانى ءجون. Nur Otan تىزگىنىن ۇستاپ وتىرعان ازاماتتار كابينەتتەرىنەن شىقسا, حالىقتى كۇتپەي, وزدەرى حالىققا بارسا, ماسەلەلەرىن تىڭداسا, حالىقپەن سول حالىقتىڭ تىلىندە سويلەسسە, مۇڭ-مۇقتاجدارىن ەسكەرىپ, شىن پەيىلمەن شەشۋگە كىرىسسە دەگەن تىلەك بار. سوندا عانا پارتيانىڭ تىرلىگى جاندانادى, جۇمىسىنا قان جۇگىرەدى, حالىقتىڭ سەنىمى ويانادى.
سەرىك ساناۋباەۆ,
قاراعاندى وبلىستىق كاسىپكەرلەر قاۋىمداستىعىنىڭ اتقارۋشى ديرەكتورى
