جەكسەنبىدە ەل اۋماعىنىڭ باسىم بولىگىندە اتموسفەرالىق اۋا اعىندارى ءوتۋىنىڭ اسەرىنەن اۋا رايى قۇبىلمالى بولادى. كوبىنەسە قار جاۋادى, جەلدىڭ كۇشەيۋى, بۇرقاسىن, كوكتايعاق بولۋى ىقتيمال.
رەسپۋبليكا بويىنشا كەي جەرلەردە تۇمان تۇسەدى. تۇركىستان وبلىسىنىڭ وڭتۇستىگىندە جانە تاۋلى, تاۋ بوكتەرىندەگى اۋداندارىندا تۇمان بولىپ, تاۋلى اۋدانداردا جەل 15-20 م/س كۇشەيەدى.
جامبىل وبلىسىنىنىڭ سولتۇستىك - شىعىسىندا جانە تاۋلى اۋداندارىندا كوكتايعاق, سولتۇستىگىندە, تاۋلى جانە تاۋ بوكتەرىندەگى اۋداندارىندا-تۇمان, ال وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا جەلدىڭ ەكپىنى 15-20 م/س جەتەدى.
قوستاناي وبلىسىنىڭ وڭتۇستىگىندە-جاياۋ بۇرقاسىن, وبلىستىڭ سولتۇستىگىندە-تۇمان كۇتىلەدى. كۇندىز اقتوبە وبلىسىنىڭ سولتۇستىك-باتىسىندا, سولتۇستىگىندە جاياۋ بۇرقاسىنمەن جەل 15-20 م/س كۇشەيەدى. ماڭعىستاۋ وبلىسىنىڭ سولتۇستىگىندە, وڭتۇستىك-باتىسىندا – كوكتايعاق, سولتۇستىگىندە – تۇمان.
اتىراۋ وبلىسىنىڭ شىعىسىندا-تۇمان, كۇندىز وبلىستىڭ سولتۇستىگىندە جەلدىڭ جىلدامدىعى 15-20 م/س جەتەدى. باتىس قازاقستان وبلىسىنىڭ سولتۇستىگىندە تۇمان ءتۇسۋى مۇمكىن, ءوڭىردىڭ وڭتۇستىك-باتىسىندا, شىعىسىندا جەل 15-20 م/س كۇشەيەدى.
شىعىس قازاقستان وبلىسىنىڭ وڭتۇستىك بولىگىندە جاياۋ بۇرقاسىن كۇتىلەدى, وبلىستىڭ سولتۇستىگىندە تۇمان تۇسەدى, وبلىستىڭ ورتالىعىندا جەل تۇرادى, جىلدامدىعى 15-20 م/س.
اقمولا وبلىسىنىڭ سولتۇستىك-باتىسىندا, قىزىلوردا وبلىسىنىڭ سولتۇستىگىندە تۇمان كۇتىلەدى. قاراعاندى وبلىسىنىڭ باتىسى مەن سولتۇستىگىندە جاياۋ بۇرقاسىن بولىپ, كۇندىز سولتۇستىگى مەن ورتالىعىندا جەل 15-20 م/س كۇشەيەدى.
الماتى وبلىسىنىڭ جالاڭاشكول اۋدانىندا جەل ەكپىنى 17-22 م/س بولادى, ال ءوڭىردىڭ باتىسىندا, سولتۇستىگىندە, تاۋلى جانە تاۋ بوكتەرىندەگى اۋداندارىندا تۇمان ءتۇسىپ, كوكتايعاق بولادى.
