«2022 جىلعى 16-27 قاڭتار ارالىعىندا قورعا 52 ميلليارد تەڭگەدەن استام قارجى ءتۇستى. قور جىلىنا كەمىندە 100 ملرد تەڭگە كولەمىندە اقشا قاراجاتىن شوعىرلاندىرادى دەپ جوسپارلانۋدا. ءبىزدىڭ بولجامدى ەسەپتەۋلەرىمىزدە شەتەلدىك جانە حالىقارالىق كومپانيالاردان قاراجاتتىڭ ءتۇسۋى كوزدەلمەگەن. ءبىز قازاقستاندىق ءىرى كاسىپورىندار مەن ولاردىڭ اكتسيونەرلەرىنە قايىرىمدىلىققا ەلەۋلى ۇلەس قوسقانى ءۇشىن العىسىمىزدى بىلدىرەمىز» دەلىنگەن اتالعان قوردىڭ ءباسپاسوز حابارلاماسىندا.
26-27 قاڭتار ارالىعىندا «قازاقستان حالقىنا» قورى ارقىلى قايىرىمدىلىققا ەلەۋلى ۇلەس قوسقاندار:
وتەمۇراتوۆ بولات ءجاميت ۇلى - 10 ملرد تەڭگە;
«رامس-كازاحستان» جشس – 300 ملن تەڭگە.
قور باسشىلىعى الىنعان بارلىق قارجى قاراجاتىنىڭ تولىق اشىقتىعى مەن ەسەپتىلىگى قامتاماسىز ەتىلەتىنىن مالىمدەيدى. اقشا قازاقستان حالقىنىڭ يگىلىگىنە, دەنساۋلىق ساقتاۋ, الەۋمەتتىك سالا, ءبىلىم, مادەنيەت جانە سپورت پروبلەمالارىن شەشۋگە باعىتتالادى.
قور ورفاندىق جانە باسقا دا اۋرۋلارى بار, حالىقتىڭ الەۋمەتتىك وسال توپتارىنا مۇقتاج بالالارعا, قازا تاپقان اسكەري قىزمەتكەرلەردىڭ, قۇقىق قورعاۋ جانە ارنايى ورگاندار قىزمەتكەرلەرىنىڭ وتباسىلارىنا, سونداي-اق باسقا دا قايىرىمدىلىق ماقساتتارعا قولداۋ كورسەتەدى.
