پرەزيدەنت • 28 قاڭتار، 2022

Nur Otan جاڭارۋدىڭ قوزعاۋشى كۇشى بولۋى ءتيىس

82 رەت كورسەتىلدى

مەملەكەت باسشىسى قاسىم-جومارت توقاەۆ Nur Otan پارتياسىنىڭ كەزەكتەن تىس XXI سەزىندە ەلدىڭ جان-جاقتى جاڭعىرۋىنىڭ اۋقىمدى كۇن ءتارتىبىن ۇسىندى، دەپ حابارلايدى Egemen.kz.

«مەن ەلدى جان-جاقتى جاڭعىرتۋدىڭ اۋقىمدى كۇن ءتارتىبىن ۇسىندىم. Nur Otan ونى ىسكە اسىرۋعا بەلسەنە ارالاسىپ، قازاقستاننىڭ پروگرەسسيۆتى وزگەرىستەرى مەن جاڭارۋىنىڭ ناعىز قوزعاۋشى كۇشى بولۋعا ءتيىس»، دەدى پرەزيدەنت.

ول كۇن تارتىبىنە كەلەسى باسىمدىقتاردى ۇسىندى.

«الدا مىناداي باسىمدىقتارعا باسا نازار اۋدارۋ مىندەتى تۇر. ءبىرىنشىسى – پارتيا قاتارىنداعى ىنتىماقتاستىقتى نىعايتۋ، قوعامنىڭ بارلىق سىندارلى كۇشتەرىن بىرىكتىرۋ. پارتيا قاتارىنا ار ءتۇرلى قوعامدىق-ساياسي توپتاردىڭ وكىلدەرىن، وتانداستارىنىڭ سەنىمىنە يە ناعىز كوشباسشىلاردى بەلسەندىرەك تارتۋ كەرەك. وكىنىشكە وراي، ءبىز پارتيادا مۇنداي ادامداردىڭ جەتكىلىكسىز ەكەنىن كوردىك. پارتيا مەملەكەتتىك ورگانداردىڭ جۇمىسىن كوشىرمەۋگە ءتيىس. مەملەكەتتىك اپپاراتتىڭ فۋنكتسيالارى ءبىر، پارتيانىڭ فۋنكتسيالارى مۇلدەم باسقا. Nur Otan نەگىزىنەن يدەولوگيالىق جانە كادرلىق جۇمىستارمەن اينالىسۋى ءتيىس، قاجەت بولعان جاعدايدا – مەملەكەتتىك اپپاراتتىڭ جۇمىسىن جولداۋعا ءتيىس. پارتيانىڭ ودان ءارى ومىرشەڭدىگى سايلاۋ الدىنداعى ۋادەلەردىڭ قانداي كولەمدە ورىندالاتىنىنا بايلانىستى ەكەنىن ءتۇسىنۋ كەرەك»، دەدى مەملەكەت باسشىسى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار