ايماقتار • 28 قاڭتار، 2022

قاراعاندى وبلىسىندا كارانتين شەكتەۋلەرى جەڭىلدەتىلدى

34 رەت كورسەتىلدى

وبلىستىڭ باس سانيتاريا دارىگەرىنىڭ جاڭا قاۋلىسىنا سايكەس، «Ashyq» جوباسىنا قاتىساتىن نىساندار ءۇشىن دەمالىس كۇندەرى جۇمىس رەجيمىنە شەكتەۋلەر الىنىپ تاستالدى، دەپ حابارلايدى Egemen.kz.

قاراعاندى وبلىسىندا قىزمەتكەرلەر مەن كەلۋشىلەردىڭ قاۋىپسىز «جاسىل» مارتەبەسى بويىنشا جۇمىس ىستەيتىن وبەكتىلەر ءۇشىن شەكتەۋلەر الىنىپ تاستالدى.

بۇل – سالتاناتتى، ەستەلىك، ويىن-ساۋىق، سپورتتىق ءىس-شارالار، كورمەلەر، كونفەرەنتسيالار، فورۋمدار وتكىزۋ، سپورت كەشەندەرىنىڭ، ساۋىقتىرۋ جانە ءدىني وبەكتىلەردىڭ، ويىن-ساۋىق وبەكتىلەرىنىڭ (ويىن كلۋبتارى، كازينو، تۇنگى كلۋبتار جانە كاراوكە)، سوو، ساۋدا جەلىلەرىنىڭ (ساۋدا الاڭى 1000 شارشى مەتردەن اساتىن ازىق-ت ۇلىك ەمەس جانە ساۋدا الاڭى 6000 شارشى مەتردەن اساتىن ازىق-ت ۇلىك ەمەس)، باسسەيندەردىڭ قىزمەتى.

«قىزىل» (جوعارى ەپيدەميولوگيالىق قاۋىپ) ايماققا كىرگەن وبلاستاردا نىساندارعا كەلۋشىلەردىڭ باسىم بولىگىندە بەيتاراپ («كوك») نەمەسە قاۋىپسىز («جاسىل») مارتەبەسى بولعان جاعدايدا كارانتيندىك شەكتەۋلەر السىرەتىلىپ، نىسانداردىڭ تولىمدىعى 60%-عا دەيىن ارتتىرىلادى. وسىلايشا، وبلىسارالىق، وبلىسىشىلىك، قالالىق (تۇراقتى جانە تۇراقتى ەمەس) تاسىمالداردى جۇزەگە اسىراتىن وبەكتىلەر ءۇشىن، قوناق ۇيلەر، اۋەجايلار، تەمىرجول، سۋ جانە اۆتوۆوكزالدار، اۆتوستانتسيالار جانە جولاۋشىلارعا قىزمەت كورسەتۋ پۋنكتەرى، حقكو، «قازپوشتا» اق بولىمشەلەرى، بانكتەر، سۇلۋلىق سالوندارى، سپا-ورتالىقتار، جابىق بازارلار، اسحانا ءتيپى بويىنشا قوعامدىق تاماقتانۋ وبەكتىلەرى، مەكتەپكە دەيىنگى جانە قوسىمشا ءبىلىم بەرۋ ۇيىمدارى ءۇشىن بەيتاراپ «كوك» مارتەبەسى بولعان كەزدە كىرۋ شەكتەۋسىز ساقتالادى.

1000 شارشى مەترگە دەيىنگى ساۋدا الاڭى بار ساۋنالار، مونشالار، ساۋدا جەلىلەرىنىڭ (ازىق-ت ۇلىك ەمەس) قىزمەتىنە شەكتەۋلەر الىنىپ تاستالدى، ولارعا كىرۋ بەيتاراپ «كوك» مارتەبەسى بويىنشا دا رۇقسات.

«قىزىل» ايماقتاعى وڭىردە كەلۋشىنىڭ «كوك» مارتەبەسى بولعان جاعدايدا، تولىمدىعىن 60-قا جەتكىزبەۋ شارتىمەن كەلەسى نىساندارعا جۇمىس ىستەۋگە رۇقسات ەتىلەدى:

  • بالالاردى ساۋىقتىرۋ ۇيىمدارى;
  • مەيرامحانا، كافە، كوفەحانالار، بانكەت زالدارى (مەيرامحانا، كافە ءتۇرى بويىنشا قىزمەت كورسەتۋ) تۇرىندەگى قوعامدىق تاماقتانۋ وبەكتىلەرى ء(ۇي-جايدا);
  • بوۋلينگ;
  • تەاترلار، كينوتەاترلار، كونتسەرت زالدارى، فيلارمونيا، تسيركتەر;
  • كومپيۋتەرلىك كلۋبتار، سونىڭ ىشىندە PlayStation كلۋبتارى;
  • 1 كەلۋشىگە 4 شارشى مەتردەن كەم ەمەس الاڭدى قامتاماسىز ەتۋ كەزىندە لوتەرەيا كلۋبتارى مەن لوتەرەيانى وتكىزۋدىڭ وزگە دە نۇكتەلەرى، بۋكمەكەرلىك كەڭسەلەر; 
  • بالالار ويىن-ساۋىق ورتالىقتارى (جابىق) 1 ادامعا كەمىندە 10 شارشى مەتر الاڭمەن قامتاماسىز ەتىلگەندە، تولىمدىلىعى 60%-دان اسپايدى. قاۋلى قول قويىلعان كۇننەن باستاپ كۇشىنە ەنەدى.
سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار