تۋريزم • 27 قاڭتار، 2022

لۋۆردى تاماشالاۋشىلار لەگى از

65 رەت كورسەتىلدى

جاھاندى جانالقىمىنان الىپ تۇرعان پلانەتالىق پاندەميا ءالى دە قايتار ەمەس. داۋاسىز دەرتتىڭ سالقىنى ونەر سالاسىندا ابدەن تىعىرىققا تىرەپ ءبىتتى... ەمىن-ەركىن، قاناتىن كەڭگە جايعان شابىت قۇسى تەمىر توردىڭ ار جاعىنداعى شاشاسىز تۇتقىنداي شالدىعا كۇي كەشىپ جاتقانداي...

جەر بەتىندەگى بارلىق مۋزەي، كىتاپ­حانا، تەاتر زالدارى، ءبارى-ءبارى بۇرىنعى قامسىز تىرشىلىگىنەن جاڭىلىپ، جا­بىل­عان ەسىكتەر ءالى دە ەمىن-ەركىن ايقارا اشىلا الماي تۇر. ول ەسىكتەردىڭ ىشىندە فرانتسياداعى اتاقتى مۇراجايلاردىڭ دا قىمبات قاقپالارى بار.

ءدال دەرەكتەرگە سۇيەنسەك، اتاقتى لۋۆردى بىلتىر نەبارى 2،8 ميلليون ادام عانا ارالاي الىپتى. بۇل كورسەتكىش، اتال­عان مۇراجايدىڭ پاندەمياعا دەيىنگى كەلۋشىلەر سانىنىڭ 30 پايىزى عانا ەكەن. ەگەر دۇنيە بۇرىنعى قالپىندا بولار بولسا، لۋۆر تابالدىرىعىن جىلىنا 10 ميلليون ادامعا دەيىن توزدىراتىن ەدى.  بۇل مۇراجايدىڭ 1986 جىلدان بەرگى ەڭ تومەن كورسەتكىشى بولسا كەرەك.

رەسمي دەرەككوزدەرگە سەنسەك، پان­دەميا­نىڭ ەكىنشى جىلىندا فرانتسۋز مۇراجايلارىنا كەلۋشىلەردىڭ جالپى سانى كوۆيدكە دەيىنگى دەڭگەيدەن 60-70% تومەن بولعانىن ايتادى.

لۋۆردى تاماشالاۋشىلاردىڭ الپىس پايىزى جەرگىلىكتى تۇرعىندار، جالپىلاي العاندا فرانتسۋزداردىڭ وزدەرى دەلىنەدى. اقش پەن گەرمانيادان كەلۋشىلەر مۇ­را­جاي قوناقتارىنىڭ نەبارى 6 پايىزىن قۇرايدى. انگليا حالقىنىڭ 2 پايىزى عانا بيىل دجوكوندانى تاماشالاعان سياقتى. ەڭ وكىنىشتىسى، بيىلدىققا ازيا­دان بىردە-ءبىر ادام لۋۆرعا ات شال­دىر­ما­عان. كوڭىلسىزدەۋ كورسەتكىشتەر سولاي دەيدى...

پاندەمياعا دەيىن لۋۆرعا كەلۋشى امەريكالىقتاردىڭ ۇلەس سالماعى 20 پا­يىز بولسا، ەكىنشى ورىندا قىتايلىقتار بولعان.

سوڭعى ەكى جىل ىشىندە ۇكىمەتتىڭ بۇي­رى­عىمەن فرانتسۋز مۇراجايلارى، جالپى العاندا ءبىر جىلعا جۋىق جابىلعان ەكەن. وسى ۋاقىت ىشىندە مەملەكەت ولارعا قارجىلاي قولداۋ كورسەتىپ وتىرعان.

جالپى، لۋۆردىڭ 2021 جىلعى تابىسى 2019 جىلمەن سالىستىرعاندا 80 ميلليون ەۋروعا ازايدى.

سوڭعى جاڭالىقتار

مۇناي باعاسى تومەندەدى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

ۇقساس جاڭالىقتار