«قازاقستاندىق عالىمداردىڭ تابىسى – بيولوگيالىق قاۋىپسىزدىك ماسەلەلەرى جونىندەگى عىلىمي-زەرتتەۋ ينستيتۋتىنىڭ كوروناۆيرۋسقا قارسى QazVac ۆاكتسيناسىن ازىرلەۋى. بۇگىنگى كۇنى العا جىلجۋ بار. BSL-3, BSL-4 قۇرىلىسى جۇرگىزىلىپ جاتىر», دەدى ۇكىمەت باسشىسىنىڭ ورىنباسارى.
ەرالى توعجانوۆ بۇل جۇمىستى اتقارۋدا ءبىلىم جانە عىلىم مينيسترلىگىنىڭ ءرولى وتە زور ەكەنىن ايتتى.
«ەلدىڭ اتىن شىعارعان جوبا ەكەنىن بارلىعىمىز جاقسى بىلەمىز. قازاقستان 6 مەملەكەتتىڭ ىشىنەن 5-ءشى بولىپ ءوزىنىڭ ۆاكتسيناسىن شىعاردى. بۇل – ۇلكەن جەتىستىك. سول سەبەپتى عالىمدارعا راحمەتىمىزدى ايتامىز. ارى قاراي دا جۇمىس كوپ. ولاردىڭ الدىنا قويىلعان تاپسىرما دا بولەك. قازىر 43 مەملەكەت ءبىزدىڭ ۆاكتسينامىزدى الۋعا دايىن. كەزدەسۋلەردە «Pfizer قايدا؟» دەپ سۇراقتى جاۋدىرادى. ءوزىمىزدىڭ ۆاكتسينانىڭ ساپاسى جاعىنان كەم ەمەس – تيىمدىلىگى 86-تەن 92%-عا تەڭ. قازاقتا «قولدا باردىڭ قادىرى جوق» دەگەن ماقال بار. كوبىسى باسقا ەلدىڭ ۆاكتسيناسى كەرەك دەپ ايتادى. ال ءوزىمىزدىڭ ۆاكتسينا تۋرالى بىرەۋى دە ءسوز قوزعامايدى. ءوزىمىزدى ءوزىمىز ايتپاعاندا, كىم ايتادى», دەدى ەرالى توعجانوۆ.
