وقيعا كەزىندە تاعى 5 ادام جاراقات العان.
«27 قاڭتار كۇنى ساعات 03:40-تا «يۋجماش» وڭتۇستىك ماشينا جاساۋ زاۋىتىنىڭ اۋماعىندا قايعىلى وقيعا بولدى. ۋكراينا ۇلتتىق گۆاردياسىنىڭ جاۋىنگەرى, مەرزىمدى قىزمەتتەگى 2001 جىلى تۋعان ريابچۋك ارتەمي يۋرەۆيچ بەلگىسىز سەبەپپەن قارۋ بەرۋ كەزىندە كالاشنيكوۆ اۆتوماتىنان اسكەري قىزمەتشىلەرگە وق اتقان. سودان كەيىن وقيعا ورىننان قاشىپ كەتكەن. سالدارىنان بەس ادام قازا تاۋىپ, تاعى بەسەۋى جارالاندى», دەپ جازىلعان حابارلامادا.
2001 جىلى تۋعان جىگىتتىڭ ودەسسا وبلىسىنان كەلگەنى انىقتالدى.
وقيعا ورنىنا دەرەۋ ۇلتتىق پوليتسيانىڭ دنەپروپەتروۆ وبلىسى بويىنشا باسشىلىعى, جەدەل-تەرگەۋ توبى, كريميناليست ساراپشىلار, بارلىق سالالىق قىزمەتكەرلەر جەتتى.
دنەپردە 5 ادامنىڭ ءومىرىن قيعان ۇلتتىق گۆاردياشى ارتەم ريابچۋكتى تارتىپ ساقشىلارى ۇستادى.
ەندى ول زاڭدا قاراستىرىلعان ەڭ قاتاڭ جاۋاپكەرشىلىككە تارتىلادى.
