ءمينيستردىڭ ايتۋىنشا, جاڭا ستاندارتتار ىقشام قۇرىلىستى جوبالاۋ مەن ەنگىزۋدىڭ, تارتىمدى جانە جايلى قوعامدىق كەڭىستىك قالىپتاستىرۋدىڭ, جاياۋ جۇرگىنشىلەر مەن ۆەلوسيپەد ينفراقۇرىلىمىن دامىتۋدىڭ قاراپايىم جانە تۇسىنىكتى ەتالونى بولادى.
«قازىرگى جاعداي جاڭاشا شارتتاردى تالاپ ەتەدى. وزىق حالىقارالىق تاجىريبەنى ەسكەرە وتىرىپ, قالا قۇرىلىسىن جوسپارلاۋ, جاڭا ۋرباندالۋ تاسىلدەرىن دامىتۋ جۇيەلەرىن ترانسفورماتسيالاۋ قاجەت. مەملەكەت باسشىسى 2021 جىلعى جولداۋىندا قالالاردى كەشەندى سالۋدىڭ جاڭا ستاندارتتارىن ازىرلەۋ قاجەتتىگىن اتاپ كورسەتكەن بولاتىن. وسى ماقساتتا ءبىز ەلىمىزدىڭ ءىرى ەلدى مەكەندەرىنىڭ قالالىق ينفراقۇرىلىمىن دامىتۋ تۇجىرىمداماسىنىڭ پيلوتتىق جوبالارىن ىسكە اسىرۋدى جوسپارلاپ وتىرمىز», دەدى مينيستر.
قايىربەك وسكەنباەۆ سونداي-اق يندۋستريا جانە ينفراقۇرىلىمدىق دامۋ مينيسترلىگى قازاقستاننىڭ ۋربانيستەر قاۋىمداستىعىمەن بىرلەسىپ, اقتاۋ جانە اتىراۋدىڭ قالا كەڭىستىكتەرىن ترانسفورماتسيالاۋ جۇمىستارىن باستاعانىن حابارلادى.
