ەندى ءبىزدىڭ الدىمىزدا پرەزيدەنت ايتقانداي, جاڭا قازاقستاندى قۇرۋ مىندەتى تۇر. وسىناۋ ىرگەلى مىندەتتى ەڭسەرۋ ءۇشىن ءبىرىنشى كەزەكتە پرەزيدەنتتىڭ ماڭىنا توپتاسىپ, ونىڭ كۇن تارتىبىنە شىعارعان باستامالارىنا قولداۋ بىلدىرگەنىمىز ابزال.
بۇگىندە ءتۇرلى اقپارات كوزدەرى, الەۋمەتتىك جەلىلەر ارقىلى كەيبىر ازاماتتار ۇكىمەتتى تۇگەلدەي تاراتىپ جىبەرۋگە ۇندەپ ءجۇر. ەگەر سولاي جاسالسا, ونىڭ سوڭى ەلدى تىعىرىققا اپارىپ تىرەمەي مە؟ ءيا, كەشە عانا قايتا جاساقتالعان ۇكىمەتتى الاقايلاپ ماقتاپ الا جونەلۋدەن اۋلاقپىن. دەگەنمەن وسى ۇكىمەتكە مۇمكىندىك بەرگەن ورىندى. ويتكەنى ۇكىمەت قۇرامىنا ەنگىسى كەلىپ وزەۋرەگەن توپتىڭ ىشىندە بىلىكتى ماماندار مەن تاجىريبەلى قىزمەتكەرلەردىڭ بار ەكەنىنە مەنىڭ كۇمانىم بار. وسىندايدا فرانتسۋز جازۋشىسى پروسپەر مەريمەنىڭ اتاقتى «تامانگو» نوۆەللاسى ەرىكسىز ەسكە تۇسەدى. وندا شەكسىز دە ءتۇپسىز تەڭىزدە ءجۇزىپ كەلە جاتقان كەمەدەگى قۇلداردى كەمە كاپيتانى سەنىم ارتقان كومەكشىسى تامانگو ەسىمدى قارا ءناسىلدى ۇگىتتەپ ب ۇلىك جاساتادى. ب ۇلىكشىلەر كاپيتان مەن ەكيپاج مۇشەلەرىن تۇگەل ءولتىرىپ تاستايدى. ەندى ءارى قاراي كەمەنى جۇرگىزەتىن ەشكىم بولماي قالادى. ولاردى ۇگىتتەپ ب ۇلىككە باستاعان تامانگونىڭ ءوزى, ءتىپتى كومپاستىڭ ءتىلىن بىلمەيتىن بولىپ شىعادى. وسىلايشا, قۇلدىقتان قۇتىلدىق دەگەن توپ تەڭىزگە باتىپ ءولۋ قاۋپىنە تاپ بولادى. ايتايىن دەگەنىم, ەل اراسىنا شي جۇگىرتكىش كەيبىر ساياساتكەرلەر ء«وزى كوتەرە المايتىن شوقپاردى بەلىنە بايلاماسا ەكەن».
پرەزيدەنت ق.توقاەۆتىڭ جاڭا قازاقستاننىڭ ەندىگى دامۋىنا ءبارىمىز اتسالىسايىق. ء«بىر جاعادان باس, ءبىر جەڭنەن قول شىعارايىق!» دەگەن حالقىمىزدىڭ ەجەلگى دانالىعىن ءدال بۇگىنگى تاڭدا ءار قازاق, ءار قازاقستاندىق ەسىندە ۇستاۋى كەرەك. ءار تاڭعا شۇكىرلىك ەتىپ, ىنتىماعىمىزدى ساقتاپ, تاۋەلسىزدىگىمىزدى قاستەرلەي بىلگەنىمىز – جاقسى كۇندەرمەن قاۋىشۋىمىزدىڭ كەپىلى بولسا كەرەك!
شاياحمەت الجانباي,
اقىن
