ۆاكتسينا سالدىرعان نەمەسە جاقىن ارادا ۆيرۋستان ەمدەلىپ شىققان ازاماتتار وداقتاعى ءبىر ەلدەن ەكىنشى ەلگە ەركىن بارا الادى. بريۋسسەلدە وتكەن ەۋروپالىق ىستەر بويىنشا مينيسترلەر كەزدەسۋىندە 2022 جىلدىڭ 1 اقپانىنان باستاپ جولاۋشىلارعا قاتىستى كارانتين مەن قوسىمشا تەستىلەۋدى الىپ تاستاۋ شەشىمى قابىلداندى.
ء«بىز ەپيدەميالىق جاعدايدى ەمەس, جولاۋشىلاردىڭ ۆاكتسينا سالدىرعان-سالدىرماعانىن ەسكەرەمىز, – دەدى فرانتسيا ءمينيسترى كلەمەنت بون. – بىراق ۆاكتسينا سالدىرماعان ادامدار ءۇشىن شەكتەۋلەر ساقتالادى».
بىرنەشە اپتا بويى ەۋروپا كارتاسىنىڭ كوپ بولىگى وتە قاۋىپتى قارا-قىزىل تۇسكە بويالعان-دى. بيلىك ءالى كۇنگە دەيىن اسا قاجەتتىلىك تۋىنداماسا, ساياحاتتاماۋعا كەڭەس بەرەدى. بىراق سوڭعى «وميكرون» شتامى اۋرۋحاناعا جاتقىزۋ دەڭگەيىن كوتەرمەدى. بۇل ۇكىمەتتەرگە ەكونوميكانىڭ وسۋىنە كەدەرگى كەلتىرەتىن الەۋمەتتىك شەكتەۋلەردى بىرتىندەپ جەڭىلدەتۋگە مۇمكىندىك بەرەدى.
ءار ۇكىمەت شەكتەۋلەردى, سونىڭ ىشىندە لوكداۋنداردى, اۋرۋدىڭ كۇرت ءورشۋى نەمەسە كوروناۆيرۋستىڭ جاڭا شتامى پايدا بولعان جاعدايدا شەكارا جابۋ قۇقىعىن وزىنە قالدىرادى. سونىمەن قاتار ەۋروپالىق كوميسسيا ۆاكتسينالاۋ دەڭگەيى تومەن ەلدەردەگى سانيتارلىق-ەپيدەميالىق جاعدايدى باقىلاۋدى كۇشەيتەدى.
