فوتو: اشىق دەرەككوز
قايعىلى وقيعا 28 قاڭتار كۇنى بولعان. ايەل توسەككە تاڭىلعان اناسىنا ءدارى الۋ ءۇشىن ەمحاناعا بارا جاتقان كەزدە كۇدىكتى وعان شابۋىل جاساعان. ەر ادامدى ۇستاۋ كەزىندە ول پوليتسيا قىزمەتكەرلەرىنە قارسىلىق كورسەتكەندىكتەن, ءتارتىپ ساقشىلارى قىزمەتتىك قارۋ قولدانۋعا ءماجبۇر بولعان.
سوت شەشىمىمەن ايىپتالۋشى مامانداندىرىلعان پسيحياتريالىق مەكەمەدە ءماجبۇرلى ەم قابىلدايتىن بولدى. ىسكە توراعالىق ەتكەن سۋديا باقىتجان تۇناليەۆ قىلمىس جاسالعان ساتتە ەر ادامنىڭ اۋىر پسيحيكالىق جاعدايدا بولعانىن ايتتى. وعان ەپيزودتىق اعىمداعى پارانويدتى شيزوفرەنيا دياگنوزى قويىلعان.
سۋديانىڭ ايتۋىنشا, دەنساۋلىق جاعدايىنا بايلانىستى ول ءوز ارەكەتىنە جاۋاپ بەرە المايدى جانە قىلمىستىق جاۋاپكەرشىلىككە تارتىلمايدى.
بەلگىلى بولعانداي, كۇدىكتى بۇعان دەيىن ەكى رەت سوتتالعان. ال 2022 جىلى وعان شيزوفرەنيا دياگنوزى قويىلعان.
مارقۇم ايەلدەن ەكى بالا قالعان. ونىڭ تۋىستارى سوت شەشىمىنە شاعىم تۇسىرمەگەن.
ەسكە سالايىق, شىمكەنتتە 23 جاستاعى قىز ۋاقىتشا ۇستاۋ يزولياتورىندا كوز جۇمدى.
سونداي-اق شىمكەنتتە ەكى جاسار قىز 24 مەترلىك قۇدىققا قۇلاپ كەتكەنىن حابارلاعان ەدىك.
