ۇكىمەت • 26 قاڭتار، 2022

قازاقستان مەن رەسەي اراسىنداعى ساۋدا 30%-عا ارتتى

107 رەت كورسەتىلدى

قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ رەسەي فەدەراتسياسى ۇكىمەتىنىڭ توراعاسى ميحايل ميشۋستينمەن تەلەفون ارقىلى سويلەستى، دەپ حابارلايدى Egemen.kz قر پرەمەر-ءمينيسترىنىڭ سايتىنا سىلتەمە جاساپ.

تاراپتار ەۋرازيالىق ەكونوميكالىق وداق اياسىنداعى ەكىجاقتى ساۋدا-ەكونوميكالىق ىنتىماقتاستىق پەن ءوزارا ءىس-قيمىلدىڭ وزەكتى ماسەلەلەرىن تالقىلادى.

ۇكىمەت باسشىلارى كوروناۆيرۋستىڭ تارالۋىنا قارسى كۇرەس جانە پاندەميانىڭ ەكى ەلدىڭ ەكونوميكالارى ءۇشىن سالدارىن جويۋ جونىندەگى بىرلەسكەن شارالارعا ەرەكشە نازار اۋداردى.

2021 جىلدىڭ 11 ايىنىڭ قورىتىندىسى بويىنشا قازاقستان مەن رەسەي اراسىنداعى ەكىجاقتى ساۋدا 30%-عا ارتىپ، 2019 جىلعا دەيىنگى پاندەميامەن سالىستىرعاندا $21،8 ملرد-قا جەتتى، ال ساۋدا كولەمى 21%-عا ءوستى.

سوڭعى جاڭالىقتار

ۇقساس جاڭالىقتار