«كۇنى كەشە مكك-دە «وكم وپەراتورىن» مەملەكەت مەنشىگىنە بەرۋ تىركەلدى. بارلىق ەسەپ تولىق مەملەكەتكە تاپسىرىلعانى بەلگىلى. سوما قوماقتى. ەكىنشى دەڭگەيلى بانكتەردىڭ وزىندە 220 ملرد تەڭگە جاتىر. ونىڭ جارتىسى ۇلتتىق ۆاليۋتا بولسا, جارتىسى شەتەلدىك ۆاليۋتادا ساقتالعان. تاپسىرۋ زاڭدى تۇردە اياقتالعان سوڭ ءبىز اۋديت جۇرگىزەمىز. ازىرگە ونى كىم جۇرگىزىپ, قاشان باستالاتىنىن ايتا المايمىن. بىراق «وكم وپەراتورىنىڭ» قىزمەتى مەن قارجىلىق شىعىنى بويىنشا تەكسەرۋ جۇرگىزىلەدى», دەدى برەكەشەۆ.
ەستەرىڭىزگە سالا كەتەيىك, بۇعان دەيىن قر سىبايلاس جەمقورلىققا قارسى ءىس-قيمىل اگەنتتىگى سىبايلاس جەمقورلىق قىلمىستارىن جاسادى دەگەن كۇدىكپەن ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆتىڭ ۇستالعانىن حابارلادى.
