كاسىپقوي بوكس • 26 قاڭتار، 2022

مەن ەشقانداي كەلىسىمشارتقا قول قويعان جوقپىن – ەنتوني دجوشۋا

131 رەت كورسەتىلدى

اسا اۋىر سالماقتاعى الەمنىڭ بۇرىنعى چەمپيونى، ۇلىبريتانيالىق كاسىپقوي بوكسشى ەنتوني دجوشۋا «قوماقتى قاراجات ءۇشىن الەكساندر ۋسيكپەن وتۋگە ءتيىس قارىمتا كەزدەسۋدەن باس تارتتى» دەگەن سىبىستى جوققا شىعاردى، دەپ حابارلايدى Egemen.kz.

«كەيبىر سۇحباتتاردى كورگەندە ەرىكسىز ەزۋگە كۇلكى ۇيىرىلەدى. ويتكەنى وندا مەن ايتپاعان سوزدەر ءورىپ ءجۇر. «ەنتوني دجوشۋا 15 ميلليون فۋنت ستەرلينگكە كەلىسىپ، قارىمتا كەزدەسۋدەن باس تارتتى» دەگەن اڭگىمە قايدان شىقتى؟ ءبىر انىعى، مەن بۇگىنگى كۇنگە دەيىن الگىندەي ماتىندەگى ەشقانداي كەلىسىمشارتقا قول قويعان جوقپىن. سوندىقتان بولمايتىن اڭگىمەلەرگە نازار اۋدارماۋلارىڭىزدى سۇرايمىن. قانداي دا ءبىر جاڭالىقتىڭ شەتى شىقسا، ونى ءبىرىنشى كەزەكتە ءوزىم حابارلايتىن بولامىن»، دەيدى بوكسشى.

سوڭعى جاڭالىقتار

ۇقساس جاڭالىقتار