«كەزدەسۋدە ەلىمىزدىڭ ادەبي-مادەني, رۋحانيات سالاسىنداعى وزەكتى ماسەلەلەر تالقىلاندى. سونىمەن قاتار, ەلىمىزدە ورىن العان سوڭعى وقيعالارعا, مەملەكەت دامۋىنا, ۇرپاق تاربيەسىنە, جاستاردى پاتريوتتىققا تاربيەلەۋگە قاتىستى وي الماستىق.
جالپى, مەملەكەتتىڭ قۋاتتى بولۋىنىڭ ءبىر تىرەگى – رۋحانيات. سوندىقتان ەلىمىزدە الەۋمەتتىك, ەكونوميكالىق, ساياسي رەفورمالار جۇرگىزۋدەن بولەك رۋحاني جاڭعىرۋى دا وزەكتى ماسەلە. بۇل رەتتە شىعارماشىلىق قاۋىمعا ارتىلار جاۋاپكەرشىلىك تە زور بولماق», دەپ جازدى ەرلان تىنىمباي ۇلى الەۋمەتتىك جەلىدە.
كەزدەسۋدە بەلگىلى جازۋشى دۋلات يسابەكوۆ, كادىربەك سەگىزباي, سماعۇل ەلۋباي اقىل-كەڭەستەرىن ايتتى.
