قازاقستان • 26 قاڭتار، 2022

ىشكى اۋە رەيستەرى تولىق قالپىنا كەلتىرىلدى - قر يدم

49 رەت كورسەتىلدى

قر يندۋستريا جانە ينفراقۇرىلىمدىق دامۋ مينيسترلىگى قانداي ەلدەرمەن اۋە قاتىناسى تولىقتاي قالپىنا كەلتىرىلگەنىن حابارلادى، دەپ جازادى Egemen.kz.

ەلدەگى ەپيدەميولوگيالىق جاعدايعا سايكەس اۋە رەيستەرى قازاقستان رەسپۋبليكاسىنىڭ كولىكتەگى باس مەملەكەتتىك سانيتاريالىق دارىگەرىنىڭ 2022 جىلعى 13 قاڭتارداعى №3 قاۋلىسىنا سايكەس ورىندالادى.

ەل اۋماعىندا توتەنشە جاعداي رەجيمىنىڭ الىنىپ تاستالۋىنا بايلانىستى ىشكى اۋە رەيستەرى تولىق قالپىنا كەلتىرىلدى. قازىرگى ۋاقىتتا 57 ىشكى باعىتتا 605 تۇراقتى رەيس ورىندالىپ جاتىر.

ايتا كەتسەك، تج كەزىندە ۇشپاي قالعان اۋە رەيستەرىنىڭ جولاۋشىلارى بيلەت قۇنىن تولىقتاي قايتارىپ نەمەسە ساتىپ العان جەرلەرىنە بارىپ، باسقا كۇندەرگە تەگىن اۋىستىرا الادى.

سونداي-اق، حالىقارالىق رەيستەر دە قالپىنا كەلتىرىلگەنى حابارلاندى.

ءبىر اپتا ىشىندە 25 ەلمەن، اتاپ ايتقاندا: ارمەنيا، ءازىربايجان، بەلارۋس، ۇلىبريتانيا، ۆەنگريا، ۆەتنام، گەرمانيا، گرۋزيا، ءۇندىستان، كاتار، كورەيا، قىرعىزستان، مالديۆ ارالدارى، نيدەرلاندى، بىرىككەن اراب امىرلىكتەرى، كۋۆەيت، پولشا، رەسەي، ساۋد ارابياسى، تاجىكستان، تايلاند، تۇركيا، وزبەكستان، ۋكراينا، شري لانكاعا 257 حالىقارالىق رەيس ورىندالىپ كەلەدى.

«قازاقستاندا حالىقارالىق اۋە رەيستەرى تولىق دەرلىك قالپىنا كەلتىرىلدى. ەلىمىزگە نەمەسە ەلىمىزدەن ۇشاتىن وتاندىق جانە شەتەلدىك اۋە كومپانيالارى ءوز قىزمەتىن جالعاستىرۋدا. ولار اۋە كومپانيالارىنىڭ رەسمي سايتتارىندا جاريالانعان كەستەلەرگە سايكەس ورىندالادى»، دەلىنگەن مينيسترلىك حابارلاماسىندا.

 

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار