تەننيس • 26 قاڭتار، 2022

دانيلينا – جارتىلاي فينالدا

33 رەت كورسەتىلدى

قازاقستاننىڭ جۇپتىق سىنداعى ءبى­رىنشى راكەتكاسى اننا دانيلينا اۋس­تراليا اشىق چەمپيوناتىنىڭ جۇپ­تىق باسەكەسىندە جارتىلاي في­نالعا جولداما الدى.

قازاقستاندىق تەننيسشى مەلبۋرندەگى دودادا برازيليالىق بەاتريس حادداد مايامەن بىرگە شيرەك فينالدا شۆەتسيالىق رەبەككا پەتەرسون مەن رەسەيلىك اناستاسيا پوتاپوۆامەن شەبەرلىك بايقاستى. ءبىرىنشى پارتيادا شۆەتسيالىق-رەسەيلىك جۇپ باسىم­دىق تانىتتى – 6:4. ەكىنشىسىندە اننا مەن بەاتريس ەسە قايتاردى – 7:5. ال ءۇشىنشى – شە­شۋشى سەتتى قازاقستاندىق-برازيليالىق جۇپ جەڭىسپەن ءتامامدادى – 6:3. تارتىستى وتكەن باسەكە 2 ساعاتتان استام ۋاقىتقا سوزىلدى. اننا مەن بەاتريس فينالعا شىعۋ ءۇشىن جاپونيالىقتار سيۋكو اوياما مەن ەنا شيباحارامەن كۇش سىناسادى. ولار شيرەك فينالدا حورۆاتيالىق پەترا مارتيچ پەن امەريكالىق شەلبي رودجەرس جۇبىن 6:1، 6:4 ەسەبىمەن تىزە بۇكتىردى.

سونداي-اق ءدال وسى ءتۋرنيردىڭ جاسوس­پىرىمدەر اراسىنداعى باسەكەسىندە ونەر كورسەتىپ جاتقان قازاقستاندىق تەننيسشى ارۋجان ساعىندىقوۆا دا جۇپتىق سىن­نىڭ ءۇشىنشى اينالىمىنا شىقتى. 17 جاس­تاعى ارۋجان رەسەيلىك ەكاتەرينا حاي­رۋت­دينوۆامەن بىرگە ەكىنشى اينالىمدا گرە­كيا­لىقتار ميحاەلا لاكي مەن ديميترا پاۆلۋدى 6:3، 6:3 ەسەبىمەن ۇتتى.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار