قوعامدىق كولىكتەگى قامسىزدىق

سونداي-اق وڭىردە 190 جۇك­تى ايەل كورونوۆيرۋس جۇق­تى­رىپ, 30-ى اۋرۋحاناعا تۇس­كەن. دارى­گەرلەر بيىل بالالار مەن جۇكتى ايەلدەردىڭ ىندەت جۇق­تىرۋ قاۋپى جوعارى دەيدى. سالىس­تىرمالى تۇردە ايتا كەتسەك, 2022 جىلدىڭ 10 قاڭتارىنداعى جاعداي بويىنشا 54 بالا مەن 7 جۇكتى ايەلدەن Covid-19 انىق­تالعان.

بالاسى ناۋقاستانىپ جاتقان اتا-انالاردىڭ ءبىرى ءوز ۇلىنىڭ قاۋىپتى ىندەتتى قوعامدىق كولىكتە جۇقتىرىپ الۋى مۇمكىن ەكەنىن ايتىپ وتىر. ايتسا ايتقانداي-اق, اسىرەسە اۆتوبۋستاعىلاردىڭ الاڭعاسارلىعى الاڭداتادى. بى­رىنشىدەن, قوعامدىق كولىكتە بەت­پەردە تاعۋ ماسەلەسى باقىلان­بايدى. قوعامدىق كولىككە وتىرا قالساڭىز, ماسكا تاققان 4-5 ادامدى عانا كورەسىز, قالعان جۇرت – جايباراقات. ءتىپتى جۇرگىزۋ­شىلەردىڭ وزدەرى ءبىرازدان بەرى بەتپەردە تاعۋدى ۇمىتا باستادى. ەكىنشىدەن, قالا ىشىندە جۇرەتىن اۆتوبۋستاردىڭ تەڭ جارتىسى ەسكى, ەسىگى دۇرىس جابىلمايدى. قاڭتاردىڭ قاقاعان ايازىندا ساڭىلاۋدان سوققان سۋىقتان سالوننىڭ ءىشى توڭازىتقىشقا اينالىپ, جولاۋشى دىتتەگەن جەرىنە دىردەكتەپ جەتەدى. اۆتوبۋستاعى ءتارتىپ باقىلاۋعا الىنباسا, تۇماۋ ءتيىپ, قىزۋى كوتەرىلىپ, جوتەلگە بۋلىققانداردىڭ سانى ازاياتىن ەمەس.

ەپيدەميالىق جاعدايدىڭ كۇر­دەلەنە ءتۇسۋىن «وميكرون» شتامىنىڭ ورشۋىمەن بايلا­نىستىرعان ءوڭىردىڭ باس سانيتار­لىق دارىگەرى وبلىستا رەۆاكتسينالاۋدى كەشىكتىرمەي ىسكە اسىرۋدىڭ ماڭىزدى ەكەنىن ەسكەرتتى.

تاياۋدا وڭىرگە «سپۋتنيك لايت» ۆاكتسيناسىنىڭ 5 مىڭ دوزاسى جەتكىزىلدى. جاڭا پرەپارات قازىر وبلىستاعى بارلىق ەمدەۋ مەكەمەلەرىنە تاراتىلىپ جاتىر.

قوستاناي وبلىسى