كوروناۆيرۋس • 26 قاڭتار، 2022

اتىراۋداعى احۋال الاڭداتارلىق

358 رەت كورسەتىلدى

مۇنايلى وڭىردە كوروناۆيرۋس ينفەكتسياسىن جۇقتىرۋشىلار سانى كۇن سايىن كوبەيىپ بارادى. بۇعان دەنساۋلىق ساقتاۋ ءمينيسترى اجار عينيات الاڭداۋشىلىعىن ءبىلدىردى. نەگە؟

ويتكەنى اتىراۋ – ەلىمىزدەگى ەڭ ستراتەگيالىق ءوڭىردىڭ ءبىرى. اسىرەسە مۇناي-گاز ونەركاسىبى سالا­سىندا وتاندىق كومپانيا­لارمەن بىرگە، شەتەلدىك ينۆەس­تورلاردىڭ دا ۇلەسى بار. ماسەلەن، «تەڭىز»، «قاشاعان» سەكىلدى كەن ورىندارى مەن گاز-حيميا كەشەنىنىڭ قۇرىلىس الاڭىندا ەلىمىزدىڭ ءار وڭىرىنەن، ءتىپتى شەتەلدەن دە جۇمىس ىستەۋگە كەلگەندەر جەتەرلىك. وسىنداي ماڭىزى بار وڭىردە بيىلعى قاڭتاردا كوروناۆيرۋس ينفەكتسياسىن جۇقتىرعاندار سانى 33 ەسەگە ءوسىپ وتىر. بۇل – دەن­ساۋلىق ساقتاۋ ءمينيسترىنىڭ دەرەگى.

اجار عينيات وڭىردە كوروناۆيرۋس ينفەكتسياسىن جۇق­تىرۋ قاۋپى جوعارىلاعان اتى­راۋ قالاسى مەن «تەڭىز» كەن ور­نىندا سانيتارلىق-ەپيدەميالىق تا­لاپتاردى كۇشەيتۋ قاجەت دەپ ەسەپتەيدى. تۇر­عىندار اراسىن­دا ۆاكتسينا الۋ مەن رەۆاكتسينالاۋ جونىندە اقپاراتتىق تۇ­سىنىك جۇمىسىن جانداندىرىپ، تاپشى مامانداردى وقىتۋ ما­سەلەسى وڭ شەشىلۋى قاجەت. بۇل – وڭىردەگى ەپيدەميالىق احۋال­دى جاقسارتۋعا ىقپال ەتەتىن شارا­لار.

وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ مالىمەتىنشە، ءوڭىر 11 قاڭتاردان بەرى «قىزىل ايماقتا» تۇر. بۇعان كوروناۆيرۋس ينفەكتسياسىن جۇقتىرۋ دەرەگىنىڭ كۇرت وسكەنى سەبەپ بولعان. قازىر ورتاشا ەسەپپەن تاۋلىگىنە 500-دەن اس­تام ناۋ­قاس تىركەلەدى. ىندەتكە شال­دىعۋشىلار سانىنىڭ ارتۋىنا بايلانىستى 13 قاڭتاردا رەزەرۆتەن قوسىمشا 1 780 ينفەكتسيالىق توسەكتىك ورىن اشىلدى. قازىر ينفەكتسيالىق توسەكتىك ورىننىڭ سانى 2 360-تى قۇرايدى. ال جان­ساقتاۋ بولىمىندە 106 ورىن بار.

– بىلتىردان بەرى مەدي­تسي­نالىق مەكەمەلەردىڭ ماتەريال­دىق-تەحنيكالىق بازاسى نىعاي­تىلدى. قازىر بۇل مەكەمەلەردە جەكە قورعا­نىس قۇرالدارى مەن ءدارى-دارمەكتىڭ ەكى ايلىق قورى جاساقتالدى. دارىلىك زاتتاردىڭ 42 اتاۋى بويىنشا تۇراق­تان­دىرۋ قورى قالىپتاستى. ءۇي جاع­دايىندا ەم قابىلداپ جاتقان ناۋقاستاردى 129 ءموبيلدى بريگادا باقىلايدى. ونىڭ ىشىندە اتىراۋ قالاسىندا 54، اۋدانداردا 75 ءموبيلدى بريگادا جۇمىس ىستەيدى. رەزەرۆتە 50 ءموبيلدى بريگادا بار، – دەپ ءمالىم ەتتى ا.بايدۋاليەۆ.

ماسەلەن، 24 قاڭتارداعى ما­لىمەت­كە سايكەس، اتىراۋ قالا­سىندا 567 ادام COVID-19 ينفەكتسياسىن جۇقتىرعان. قازىر اتىراۋ قالاسى قاۋىپتى ۆيرۋس­تى جۇقتىرۋشىلاردىڭ نەگىزگى وشا­عىنا اينالىپ وتىر. مۇندا ءبىر تاۋلىكتە 376 ناۋقاس تىركەلدى. ال «تەڭىز» كەن ورنىندا 45 جۇمىس­شىنىڭ كوروناۆيرۋسقا شال­دىققانى انىقتالدى. جىلىوي اۋدانىندا – 80، قىزىلقوعادا – 33، ماحامبەتتە – 14، قۇرمان­عازىدا – 11، يندەردە – 7،  ما­قات اۋدانىندا 1 ادامنان ينفەك­تسيانىڭ بەلگىسى تابىلىپ وتىر. ينفەكتسيالىق ستاتسيونارلاردا 635، جانساقتاۋ بولىمىندە 20 ناۋقاس جاتىر. ونىڭ ىشىندە 4 پا­تسيەنت وكپەنى جاساندى جەلدەتۋ اپپاراتىنا قوسىلعان. جىل باسىنان بەرى قايتىس بولعاندار دا بار.

سوڭعى اپتادا ءۇي جاعدايىندا ەم-دوم قابىلداپ جاتقاندار سانى كوبەيىپ، 5 914 ادامعا جەتتى. دەگەنمەن جاھان ەلدەرىنەن تابىلىپ جاتقان «وميكرون» شتامى تىركەلگەن جوق. بىراق اتىراۋ قالاسىنداعى №4 ەمحانانىڭ تاجىريبەلى ەپيدەميولوگ-دارى­گەرى تىلەپبەرگەن ءحامزيننىڭ پىك­ىرىنشە، شەكتەۋ شارالارىن ساقتاۋ ارتىق ەتپەيدى. ماسەلەن، بەتپەردە تاعىپ، ادامدار كوپ شوعىر­لاناتىن ساۋدا ورىندارىنا بارماعان ءجون. ۇنەمى قولدى تازا ۇستاپ، قوناق شاقىرماۋ، قو­ناق­قا بارماۋ سەكىلدى قارا­پايىم شەكتەۋلەردى ەسكەرۋ كەرەك.

«وميكرون» شتامىنىڭ تەز تارالاتىنى دۇنيەجۇزى ەلدەرىن الاڭداتىپ وتىر. «دەلتا» شتامىمەن سالىستىرعاندا، مۇنىڭ جۇعۋ شاپشاڭدىعى 5-10 ەسەگە جوعارى ەكەنى انىقتالدى. تاعى ءبىر جايت، «وميكرون» شتامىنىڭ ادام دەنەسىنە ەنەتىن تىكەنەكتى اقۋىزى بولادى. جاڭا شتامم مۋتاتسياعا ۇشىراپ، جىلدام وزگەرەدى. سول سەبەپتەن، ۆيرۋستى جۇقتىرعان ادامنىڭ وكپە، تىنىس الۋ جولدارىن زاقىمدايدى. قان تامىرلارى، جۇرەك، بۇيرەك اۋرۋ­لارىنا، جۇيكە جۇيەسىنە كەرى اسەرىن تيگىزەدى. ويتكەنى جا­ڭا شتامم تۇماۋ سەكىلدى باس­تالىپ، كەيىن ادامنىڭ اعزا­سى­نىڭ قاتتى اۋىرۋىنا، تەر­شەڭ­دىككە اكەلىپ سوقتىرادى. قازىر جاڭا شتامنىڭ 20-39 جاس ارا­لىعىنداعى جاستارعا تەز جۇ­عاتىنى بايقالىپ وتىر. بالالار بۇل شتامدى جەڭىل وتكەرەدى. الايدا اۋىرعان بالادا 2-3 ايدان كەيىن كوپجۇيەلى قابىنۋ سيندرومدارى پايدا بولۋى مۇمكىن. سوندىقتان قاۋىپتى ىندەتتەن قورعانۋدىڭ ەڭ ءتيىمدى ءارى جالعىز جولى – ۆاكتسينا الۋ، – دەگەن پىكىرىن ءبىلدىردى ەپيدەميولوگ-دارىگەر تىلەپبەرگەن حامزين.

ۆاكتسينا دەمەكشى، بۇل ماسەلە ءالى دە جانداندىرۋدى قاجەت ەتىپ وتىر. ويتكەنى وسى كەزگە دەيىن COVID-19 ينفەكتسياسىنا قارس­ى ۆاكتسينالاردىڭ ءبىرىنشى كوم­پونەنتىن سالدىرعاندار سانى 263 373 ادامعا جەتكەن. ۆاك­تسي­نالاردىڭ II كومپونەنتىن 246 375 اتىراۋلىق ەكتىرگەن. ال Pfizer ەكپەسىن 4 422 ادام السا، قاي­تا ۆاكتسينالاۋدان 19 815 ادام وتكەن.

 

اتىراۋ وبلىسى

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار