نازاردا – باتىس وڭىرلەر

بيزنەستىڭ جۇمىسىنا بوگەت جاساماۋ كەرەك

ءبىرىنشى ماسەلە بويىنشا دەنساۋلىق ساقتاۋ ءمينيسترى اجار عينيات ەلدەگى سانيتارلىق-ەپيدەميالىق احۋالدىڭ ناشارلاعانى تۋرالى باياندادى. ونىڭ ايتۋىنشا، ۆاكتسينالاۋعا جاتاتىن ەرەسەك تۇرعىنداردىڭ 80،2%-ى ەكپە الدى.

كوروناۆيرۋس ينفەكتسياسىنىڭ «ومي­ك­رون» نۇسقاسىنىڭ اينالىمى مەن تارا­لۋىنان تۋىنداعان اۋرۋدىڭ ءوسۋى الەم­نىڭ بارلىق ەلىندە بايقالادى. ددۇ ەۋرو­پالىق ءوڭىرىنىڭ دەرەكتەرى بويىنشا سوڭعى ەكى اپتادا 54 ەلدىڭ 43-ىندە اۋرۋ ورشۋدە.

جىل باسىنان بەرى رەسپۋبليكادا 178 مىڭنان استام ادام كوروناۆيرۋس ينفەكتسياسىمەن اۋىردى. «پاندەميانىڭ بۇكىل كەزەڭىمەن سالىستىرعاندا العاش رەت ۆيرۋس جۇقتىرۋ جاعدايلارىنىڭ تاۋلىكتىك تىركەلۋى 16 مىڭنان استى، بۇل «وميكرون» نۇسقاسىنىڭ وتە جوعارى جۇقپالىعىنا جانە تارالۋ جىلدامدىعىنا بايلانىس­تى. بۇگىنگى تاڭدا تۇركىستان وبلىسىن قوسپاعاندا، بۇكىل ەل «قىزىل ايماقتا» ورنالاسقان»، دەدى ا.عينيات.

ازىرگە وڭىرلەردە كوروناۆيرۋس ينفەكتسياسى ءالى دە ءورشىپ تۇر. «سارى ايماقتا» ورنالاسقان تۇركىستان وبلىسىنان باسقا بارلىق ءوڭىر «قىزىل ايماقتا». ۆيرۋستىڭ ەڭ كوپ تارالۋى اقمولا، قاراعاندى، پاۆ­لودار وبلىستارىندا جانە ەلوردادا تىر­كەلىپ وتىر.

پرەمەر-مينيستر ەلدەگى سانيتارلىق-ەپيدەميالىق جاعدايدى ءارى قاراي باقىلاۋدا ۇستاۋدى تاپسىردى. سونىمەن قاتار مەملەكەت باسشىسىنىڭ العا قوي­عان مىندەتىنە سايكەس، كارانتيندىك شەك­تەۋلەردى بيزنەس ءۇشىن جەڭىلدەتە وتىرىپ، قايتا قاراۋ تاپسىرىلدى. «بيزنەستىڭ جۇمىسىنا بوگەت جاساماي، تۋىنداعان پروبلەمالاردى بىرلەسىپ شەشۋىمىز كەرەك»، دەدى ءا.سمايىلوۆ.

ۇكىمەت باسشىسى دەنساۋلىق ساقتاۋ مينيسترلىگى مەن اكىمدىكتەرگە ۆاكتسينالاۋ جانە رەۆاكتسينالاۋ جۇمىستارىن كۇشەيتۋدى تاپسىردى.

باتىس وڭىرلەردىڭ الەۋمەتتىك-ەكونوميكالىق دامۋى – نازاردا

ۇكىمەت وتىرىسىندا باتىس وڭىرلەردىڭ الەۋمەتتىك-ەكونوميكالىق دامۋىنىڭ كەشەندى جوسپارلارى قارالدى. مەملەكەت باسشىسى قاسىم-جومارت توقاەۆتىڭ تاپسىرماسى بويىنشا وتكەن جىلى قابىلدانعان ماڭعىستاۋ جانە اتىراۋ وبلىستارىنىڭ كەشەندى جوسپارلارى وزەكتەندىرىلدى، سونداي-اق اقتوبە جانە باتىس قازاقستان وبلىستارىنا ارنالعان جوسپارلار ازىرلەندى.

ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، باتىس وڭىرلەردى دامىتۋدىڭ كەشەندى جوسپارلارى 175 مىڭعا جۋىق جاڭا جۇمىس ورنىن قۇرۋعا مۇمكىندىك بەرەدى. 4 كەشەندى جوسپاردى قارجىلاندىرۋدىڭ جالپى كولەمى 15،3 ترلن تەڭگە، ونىڭ ىشىندە رەسپۋبليكالىق بيۋدجەتتەن – 1،7 ترلن تەڭگە. مينيسترلىك ورتالىق مەملەكەتتىك ور­گان­دارمەن، اكىمدىكتەرمەن بىرلەسىپ، وڭىر­لەردىڭ الەۋمەتتىك-ەكونوميكالىق دامۋى­نا جانە تۇراقتى جۇمىس ورىندارىن قۇرۋعا تىكەلەي جانە جاناما مۋلتي­پ­ليكاتيۆتىك اسەرلەردىڭ جوعارى الەۋەتى بار جوبالاردى ىرىكتەۋ بويىنشا جۇمىس جۇر­گىزدى.

«اقتوبە وبلىسىنىڭ كەشەندى جوسپارى 92 ءىس-شارادان تۇرادى. جوسپاردى ىسكە اسىرۋدىڭ جالپى سوماسى 1،7 ترلن تەڭگە، ونىڭ ىشىندە رەسپۋبليكالىق بيۋدجەت – 343،3 ملرد تەڭگە، جەرگىلىكتى بيۋدجەت – 165،6 ملرد تەڭگە، جەكە ينۆەستيتسيالار – 1،2 ترلن تەڭگە»، دەدى ءا.قۋانتىروۆ. كەشەندى جوسپار شەڭبەرىندە جاڭارتىلاتىن ەنەرگيا كوزدەرىن دامىتۋ، تسەمەنت ءوندىرۋ زاۋى­تىن، تيتان-تسيركوني كەندەرىن قايتا وڭدەۋ جونىندەگى تاۋ-كەن بايىتۋ كە­شەنىن سالۋ جانە تاعى باسقا ءىرى جوبا­لاردى ىسكە اسىرۋ كوزدەلۋدە. سونىمەن قاتار شەتەلدىك ينۆەستورلاردى تارتا وتى­رىپ، ەرەكشە يندۋستريالىق ايماق قۇرى­لادى. كوپتەگەن كاسىپورىندار ەكسپورتقا باعدارلانادى دەپ كۇتىلۋدە.

«بۇحارا-ورال» ماگيسترالدى گاز قۇ­بىرىنىڭ ءۇشىنشى جەلىسىن سالۋ جانە 85 اۋىلدى گازداندىرۋ، سونداي-اق اق­تو­بە قالاسىنداعى كارىز-تازارتۋ قۇرى­لىستارىن جاڭعىرتۋ جانە تۇرعىن ءۇي قۇرىلىسى اۋداندارىندا ينجەنەرلىك-كوم­مۋنيكاتسيالىق جەلىلەر سالۋ جوس­پار­لانىپ وتىر. بۇدان باسقا، 1 300 شاقى­رىمنان استام اۆتوموبيل جولى جاڭ­عىرتىلادى. بۇل ءوز كەزەگىندە اقتوبە قالاسىنىڭ ء«وسۋ ورتالىعى» جانە ەلىمىزدىڭ باتىس بولىگىندەگى ءىرى كولىك تورابى رەتىندەگى ءرولىن كۇشەيتۋگە ىقپال ەتەدى. ۇلتتىق ەكونوميكا ءمينيسترىنىڭ ايتۋىنشا، دەنساۋلىق ساقتاۋ جانە ءبىلىم بەرۋ جۇيەلەرى قىزمەتتەرىنىڭ قولجەتىمدىلىگى مەن ساپاسىن ارتتىرۋ ءۇشىن قازىرگى زامانعى ينفراقۇرىلىم قۇرىلادى. 18 اۋىلدا دەنساۋلىق ساقتاۋ نىساندارى سالىنادى. 224 مەكتەپ جاڭعىرتىلىپ، 16 ورتالىق سالىنادى. سونىمەن قاتار اقتوبە قالاسىندا كوللەدج ستۋدەنتتەرى ءۇشىن ەكى جاتاقحانا سالۋ جوسپاردا بار.

كەشەندى جوسپاردى ىسكە اسىرۋ 2025 جىلعا قاراي نەگىزگى كاپيتالعا سالىنا­تىن ينۆەستيتسيالار ءوسىمىن 2،5 ەسەگە قامتا­ماسىز ەتەدى نەمەسە 1،5 ترلن تەڭگەنى قۇراي­دى، ونەركاسىپ كولەمى 1،6 ەسەگە 2،8 ترلن تەڭگەگە دەيىن ارتادى، اۋىل شارۋا­شى­لىعىنىڭ جالپى ءونىم كولەمى 37%-عا ءوسۋىن قامتاماسىز ەتەدى. سونداي-اق 4،3 ملن شارشى مەتر تۇرعىن ءۇي پايدالانۋعا بەرىلەدى، سۋمەن جابدىقتاۋ قىزمەتتەرىنە قولجەتىمدىلىك 100%-دى قۇرايدى.

باتىس قازاقستان وبلىسىن دامىتۋدىڭ كەشەندى جوسپارى جالپى سوماسى 2،6 ترلن تەڭگەنى قۇرايتىن 116 ءىس-شارادان تۇرادى، ونىڭ ىشىندە رەسپۋبليكالىق بيۋدجەت – 416 ملرد تەڭگە، جەرگىلىكتى بيۋجەت – 118 ملرد تەڭگە، جەكە ينۆەستيتسيالار – 2،1 ترلن تەڭگە. ونەركاسىپ جانە كاسىپكەرلىك سالاسىندا يندۋستريالىق ايماق قۇرۋ، قۇيۋ ءوندىرىسىن، مۇنايدى تەرەڭ وڭدەۋ زاۋىتىن جانە تسەمەنت زاۋىتىن سالۋ جوسپارلانعان. «اۋىل شارۋاشىلىعى سالاسىندا 2 جىلىجاي، 25 بورداقىلاۋ الاڭىن، 10 تاۋارلى ءسۇت فەرماسىن سالۋ، 4 شارباقتى بالىق ءوسىرۋ شارۋاشىلىعىن قۇرۋ، سۋارمالى جەرلەر الاڭىن 6،6 مىڭ گەكتاردان 50 مىڭ گەكتارعا دەيىن قالپىنا كەلتىرۋ جانە كەڭەيتۋ، كيروۆ سۋ قويماسىن رەكونسترۋكتسيالاۋ كوزدەلگەن»، دەدى ءا.قۋانتىروۆ.

1 211 كم سۋمەن جابدىقتاۋ جانە سۋ بۇ­رۋ جەلىلەرىن، 46 كم جىلۋمەن جاب­دىق­تاۋ جەلىلەرىن جانە 2 051 كم ەلەكتر جەلى­لەرىن سالۋ جانە قالپىنا كەلتىرۋ، 29،7 كم «روستوشي-تايپاق» گاز قۇبىرىن رەكونس­ترۋكتسيالاۋ، سونداي-اق ورال قالاسىن­دا اۆتوماتتاندىرىلعان گاز تاراتۋ ستان­ساسىن سالۋ جوسپارلانىپ وتىر. بۇدان باسقا، 1 842 كم اۆتوجولعا جوندەۋ جانە قايتا جاڭارتۋ، ورال قالاسىنىڭ حا­لىق­ارالىق اۋەجايىن جاڭعىرتۋ جۇ­مىستارى جۇرگىزىلەدى. سونداي-اق ەمحانا، كار­ديولوگيالىق ورتالىق، 74 مەكتەپ، ستۋدەنت­تەرگە ارنالعان 650 ورىندىق جاتاق­حانا جانە 150 ورىندىق مۇمكىندىگى شەك­تەۋلى جانداردى وڭالتۋ ورتالىعى سالىنادى.

باتىس قازاقستان وبلىسىنىڭ كەشەندى جوسپارىن ىسكە اسىرۋ ناتيجەسىندە، 2025 جىلعا قاراي ونەركاسىپ كولەمى 55%-عا جانە اۋىل شارۋاشىلىعىنىڭ جالپى ءونىمىنىڭ كولەمى 56%-عا وسەدى، سۋ­مەن جابدىقتاۋ قىزمەتتەرىنە قول جەت­كى­زۋ دەڭگەيى 100%-عا جەتەدى، ال ەلەكتر جەلى­لە­رىنىڭ توزۋى 80%-دان 50%-عا دەيىن ازايادى.

اتىراۋ وبلىسىن دامىتۋدىڭ وزەك­تەن­دىرىلگەن كەشەندى جوسپارى جالپى سوماسى 8،9 ترلن تەڭگە بولاتىن 185 ءىس-شارادان تۇرادى، ونىڭ ىشىندە رەسپۋبليكالىق بيۋدجەت – 536 ملرد تەڭگە، جەرگىلىكتى بيۋدجەت – 113 ملرد تەڭگە، جەكە ينۆەستيتسيالار – 8،3 ترلن تەڭگە. جوسپار شەڭبەرىندە اۋدانى 400 گا يندۋستريالىق ايماق قۇرۋ، تەرەفتال قىشقىلىن ءوندىرۋ زاۋىتىن جانە كوتەرمە-تاراتۋ ورتالىعىن سالۋ كوزدەلگەن.

اۋىل شارۋاشىلىعىن دامىتۋ بو­يىنشا 6 جىلىجاي، 5 مال بورداقىلاۋ الاڭى، 3 قۇس فابريكاسى، بالىق وسىرۋگە ار­نالعان 7 توعان شارۋاشىلىعى، ءسۇت وڭدەۋ تسەحتارى جانە باسقالارى سالىنادى. «حا­لىقتىڭ ءومىر ءسۇرۋ ساپاسىن ارتتىرۋ ماقساتىندا 228 كم ەلەكتر جەلىسىن سالۋ، 640 كم اۆتوجولدى جوندەۋ جانە قايتا جا­ڭارتۋ، 13 ەلدى مەكەندى گازبەن جانە سۋمەن قامتاماسىز ەتۋ، 6 ۇڭعىمانى جانە «تاي­سويعان-ميالى» ماگيسترالدى سۋ قۇ­بىرىن سالۋ جانە تاعى باسقا جوبالار ىسكە اسىرىلادى»، دەدى ءا.قۋانتىروۆ.

دەنساۋلىق ساقتاۋ سالاسىندا 2 ەمحا­نا مەن پسيحيكالىق دەنساۋلىق ورتا­لىعىن، 9 العاشقى مەديتسينالىق-ساني­تارلىق كومەك نىسانىن جانە وڭالتۋ ورتالىعىن سالۋ كوزدەلگەن. ءۇش اۋىسىمدى جانە اپاتتى مەكتەپتەردى جويۋ جانە وقۋشى ورىندارىنىڭ تاپشىلىعىن ازايتۋ ماقساتىندا 48 مەكتەپ سالىنادى. جوسپاردى ىسكە اسىرۋ قورىتىندىلارى بويىنشا 2025 جىلعا قاراي ونەركاسىپ كولەمى 35%-عا ارتادى، حالىقتى سۋمەن قامتۋ 100% قامتاماسىز ەتىلەدى، جاقسى جانە قاناعاتتانارلىق جاعدايداعى جولداردىڭ ۇلەسى 95%-عا دەيىن جەتەدى، 3،5 ملن شارشى مەتر تۇرعىن ءۇيدى پايدالانۋعا بەرۋ كۇتىلۋدە.

ماڭعىستاۋ وبلىسىن دامىتۋدىڭ وزەكتىلەندىرىلگەن كەشەندى جوسپارى جالپى قارجىلاندىرۋ كولەمى 2،1 ترلن تەڭگەنى قۇرايتىن 226 ءىس-شارادان تۇرادى، ونىڭ ىشىن­دە رەسپۋبليكالىق بيۋدجەت – 375،2 ملرد تەڭگە، جەرگىلىكتى بيۋدجەت – 118 ملرد تەڭگە، جەكە ينۆەستيتسيالار – 1،6 ترلن تەڭگە.

ونەركاسىپ سالاسىندا «دۋنگا» كەن ورنىن يگەرۋدىڭ ءۇشىنشى فازاسىن ىسكە اسىرۋ، اقتاۋ قالاسىندا مۇناي-حيميا كەشەنىن سالۋ (3-كەزەڭ) جانە باسقا دا ءىس-شارالار جوسپارلانعان. اگروونەركاسىپتىك كەشەنى سالالارىندا 25 ينۆەستيتسيالىق جوبانى ىسكە اسىرۋ جانە بالىق شارۋاشىلىعى ءونىمىنىڭ ونىمدىلىگى مەن ساپاسىن ارتتىرۋدى سۋبسيديالاۋ، سونداي-اق اسىل تۇقىمدى بالىق شارۋاشىلىعىن دامىتۋ جوسپارلانۋدا. تۋريزم سالاسىندا 14 نىساننىڭ قۇرىلىسى كوزدەلگەن. سونىمەن قاتار
1 060 كم جەرگىلىكتى ماڭىزى بار اۆتوجول­دار­­دى، 88 كم ەلەكتر جەلىلەرىن، 116 كم جى­­­لۋ جەلىلەرىن سالۋ جانە جوندەۋ، سون­داي-اق تۇششىلاندىرۋ زاۋىتتارى مەن قون­­دىر­­عىلارىنىڭ 9 جوباسىن سالۋ كوز­دەلگەن.

الەۋمەتتىك سالانى دامىتۋ شەڭ­بەرىندە اۋداندىق ورتالىق اۋرۋحانا، 24 مەكتەپ جانە 11 جاپسارلاس قۇرىلىس سالۋ، 5 كوللەدجدى جابدىقتارمەن جا­راق­تاندىرۋ جانە تاعى باسقا دا جۇ­مىستار قاراستىرىلعان. «جۇرگىزىلگەن جۇمىستاردىڭ ناتيجەسىندە ماڭعىستاۋ وبلىسىندا ونەركاسىپ كولەمى 28%-عا، تۋريستەر اعىنى 4،6 ەسەگە ارتادى، جاقسى جانە قاناعاتتانارلىق جاعدايداعى جولداردىڭ ۇلەسى 100%-عا جەتەدى جانە 4 ملن شارشى مەتر تۇرعىن ءۇي پايدالانۋعا بەرىلەدى»، دەدى ۇلتتىق ەكونوميكا ءمينيسترى. جالپى، كەشەندى جوسپارلاردى ىسكە اسىرۋ باتىس وڭىرلەر ەكونوميكاسىنىڭ ءوسۋ قارقىنىن ۇلعايتۋعا مۇمكىندىك بەرەدى، جەكە ينۆەس­تيتسيالار اعىنىنا سەرپىن بەرەدى جانە حالىقتىڭ ءومىر ءسۇرۋ ساپاسى مەن ءال-اۋقاتىن ارتتىرۋدى قامتاماسىز ەتەدى. ايتالىق، 2025 جىلعا قاراي ءتورت ءوڭىر بويىنشا شامامەن 13 ترلن تەڭگە جەكە ينۆەستيتسيالار تارتۋ، 175 مىڭعا جۋىق جاڭا جۇمىس ورىندارىن قۇرۋ كوزدەلگەن.

اتىراۋ وبلىسىنىڭ اكىمى ماحامبەت دوسمۇحامبەتوۆ اتاپ وتكەندەي، جالپى، كەشەندى جوسپاردىڭ ناقتىلانعان جوباسى ۇەم جانە بارلىق ورتالىق مەملەكەتتىك ورگاندارمەن كەلىسىلدى. كەشەندى جوسپار جوباسى جالپى سوماسى 8،9 ترلن تەڭگەنى قۇرايتىن 185 ءىس-شارانى قامتىپ وتىر. ناتيجەسىندە، رەسپۋبليكالىق بيۋدجەتتەن 535،8 ملرد تەڭگە، جەرگىلىكتى بيۋدجەتتەن 112،6 ملرد تەڭگە، باسقا قاراجات كوزدەرىنەن 8،3 ترلن تەڭگە، مەملەكەت-جەكەمەنشىك ارىپتەستىك اياسىندا 14،3 ملرد تەڭگە قاراستىرۋ جوسپارلانۋدا. «185 ءىس-شارا 15 باعىتتا جۇزەگە اسىرىلادى. اتاپ ايتقاندا، ەكونوميكالىق دامۋ باعىتى بويىنشا: ونەركاسىپ، اۋىل جانە بالىق شارۋاشىلىعى، تۋريزم، كاسىپكەرلىكتى دامىتۋ سالالارىندا 8 ترلن تەڭگە كولەمىندە 78 ءىس-شارانى ىسكە اسىرۋ قولعا الىنادى. جالپى قۇنى 728،8 ملرد تەڭگەنى قۇرايتىن 66 ءىس-شارا تۇرعىن ءۇي، سۋ، گاز، ەلەكترمەن جابدىقتاۋ جانە ترانسپورتتىق ينفراقۇرىلىم مەن ەكولوگيا ماسەلەلەرىن شەشۋگە باعىتتالعان»، دەدى وبلىس اكىمى.

اقتوبە وبلىسىنىڭ اكىمى وڭداسىن ءورا­زاليننىڭ ايتۋىنشا، مەملەكەت باس­شى­­سىنىڭ تاپسىرماسىنا سايكەس اقتو­بە وبلىسىنىڭ الەۋمەتتىك-ەكونو­مي­كا­لىق دامۋىنىڭ 2022-2025 جىلدارعا ار­نالعان كەشەندى جوسپارىنىڭ جوباسى وزەكتەندىرىلدى. كەشەندى جوسپار جالپى سوماسى شامامەن 1،7 ترلن تەڭگە بولاتىن 6 باعىت بويىنشا 92 تارماقتى ىسكە اسىرۋدى كوزدەيدى. «كەشەندى جوسپاردىڭ جاڭا جوباسىنا حالىقتىڭ الەۋمەتتىك وسال توپتارى مەن كوپبالالى وتباسىلار ءۇشىن تۇرعىن ءۇي سالۋ، دەنساۋلىق ساق­تاۋ نىساندارىنىڭ قۇرىلىسى جانە ءبىلىم بەرۋ نىساندارىن جاڭعىرتۋ سياق­تى الەۋمەتتىك ماڭىزى بار جوبالار قوسىل­دى»، دەدى و.ورازالين.

ماڭعىستاۋ وبلىسىندا جوسپاردىڭ قالاي جۇزەگە اسىرىلىپ جاتقانى تۋرالى ءوڭىر اكىمى نۇرلان نوعاەۆ ايتىپ بەردى. «بۇگىنگى تاڭدا بار شارالاردى تەزىرەك ىسكە اسىرۋ جانە اتقارىلاتىن جۇمىستاردىڭ ناتي­جەسىندە وڭىردەگى قوعامدىق-ساياسي احۋال­دىڭ تۇراقتىلىعىن قامتاماسىز ەتۋ ءۇشىن قولدانىستاعى كەشەندى جوسپار وزەكتەن­دىرىلدى. وزەكتەندىرىلگەن كەشەندى جوس­پار 226 ءىس-شارانى قامتيدى، ونىڭ ىشىندە ەكونوميكانى دامىتۋ اياسىندا 96، تۇرعىن ءۇي جانە ينفراقۇرىلىم بويىنشا 54، الەۋمەتتىك سالا جانە ەكولوگيادا 63 جا­نە ازاماتتىق قورعانىستى قامتاماسىز ەتۋ­دە 13 ءىس-شارا قاراستىرىلعان. جوس­پار­لان­عان ءىس-شارالاردى جۇزەگە اسىرۋدىڭ ناتي­جەسىندە شامامەن 55 مىڭ جۇمىس ورنى قۇرىلادى دەپ كۇتىلەدى»، دەدى ن.نوعاەۆ.

باتىس قازاقستان وبلىسىنىڭ اكىمى عالي ەسقاليەۆ ءوڭىردى دامىتۋ جوسپارى تۋرالى باياندادى. باتىس قازاقستان وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارى 116 ءىس-شارانى قامتيدى، ولاردى ىسكە اسىرۋ ءۇشىن شامامەن 2،6 ترلن تەڭگە قاجەت. اتالعان قاراجاتتىڭ 80%-عا جۋىعىن جەكە بيزنەس ەسەبىنەن جانە مەملەكەت-جەكەمەنشىك ارىپتەستىك تەتىگى ارقىلى تارتۋ كوزدەلگەن. وسىنداي اۋقىمدى ينۆەستيتسيا كولەمىن تارتۋ ءۇشىن ءوڭىردى دامىتۋدىڭ كەشەندى جوسپارىندا كورسەتىلگەن مەملەكەتتىك قولداۋ قاجەت. «تىكەلەي بيۋدجەتتىك ينۆەستيتسيالاردان باسقا، ءوڭىر ءۇشىن ماڭىزدى تاۋارلىق گازبەن قامتاماسىز ەتۋ ءتارىزدى ماسەلەلەردى اتاپ وتكىم كەلەدى. باتىس قازاقستان وبلىسى قازاقستانعا تاۋارلىق گازدىڭ ءىرى جەتكىزۋشىسى بولىپ تابىلعانىمەن، ءبىزدىڭ كوپتەگەن الەۋەتتى ينۆەستيتسيالىق جوبالارىمىز گازبەن جابدىقتاۋعا تەحنيكالىق شارتتاردى الۋدان باس تارتقاندىقتان ىسكە اسىرىلا بەرمەيدى» دەدى ع.ەسقاليەۆ.

ماسەلەنى ۇكىمەت باسشىسى ءاليحان سمايىلوۆ قورىتىندىلادى. «جوسپارلار ەكونوميكانىڭ جەكەلەگەن سالالارىن دامىتۋعا عانا ەمەس، سونداي-اق ساپالى سۋمەن قامتاماسىز ەتۋ، ءبىلىم بەرۋ مەن دەنساۋلىق ساقتاۋدىڭ قولجەتىمدى بولۋى، جاڭا جۇمىس ورىندارىن قۇرۋ سياقتى ماڭىزدى ماسەلەلەردى شەشۋگە باعىتتالۋى ءتيىس»، دەدى ول.

قۇجاتتاردا نەگىزىنەن بيۋدجەتتەن تىس قاراجاتتى – كۆازيمەملەكەتتىك سەكتور مەن جەكە ينۆەستورلاردىڭ قاراجاتىن تارتۋعا باسىمدىق بەرىلىپ وتىر. «ەڭ باستىسى، ءوڭىر حالقى وڭ وزگەرىستەردى بارىنشا سەزىنۋى ءتيىس، بولاشاققا سەنىممەن قاراپ، جۇمىس ىستەپ، تابىس تاۋىپ، وزدەرىنىڭ بيزنەستەرىن دامىتىپ، جاقسى ەمدەلىپ، ساپالى ءبىلىم الۋى قاجەت. حالىقتىڭ تۇرمىس ساپاسىن ايتارلىقتاي جاقسارتۋ ءۇشىن بارلىق مۇمكىندىكتەردى پايدالانعان ءجون»، دەدى ءا.سمايىلوۆ.