ايماقتار • 25 قاڭتار، 2022

عازىمبەكتىڭ عازيز بەينەسى

145 رەت كورسەتىلدى

الاشتىڭ ءبىلىمپاز قايراتكەرلەرىنىڭ ءبىرى عازىمبەك ءبىرىمجانوۆتىڭ سۋرەتى تابىلدى. ماسكەۋدەگى پەتروۆ-رازۋموۆسكي اتىنداعى اۋىل شارۋاشىلىعى ينستيتۋتىنىڭ ارحيۆىنەن تابىلعان فوتوسۋرەت 1917 جىلى تۇسىرىلگەن.  الاش قايراتكەرىنىڭ ءومىرى مەن مۇراسىن زەرتتەۋشىلەر عازىمبەك ءبىرىمجان 1917 جىلى ورىنبور رەالدى ۋچيليششەسىن ءبىتىرىپ، ماسكەۋ قالاسىنداعى پەتروۆ-رازۋموۆسكي اتىنداعى ۋنيۆەرسيتەتكە قۇجاتتارىن تاپسىرعان، بۇل سۋرەت سوندا تۇسىرىلسە كەرەك دەپ بولجاپ وتىر.

بىراق عازىمبەك اتالعان ۋنيۆەرسيتەتتە سول كەزەڭدەگى ساياسي جاعداي­لارعا بايلانىستى وقي الماعان. بۇل كەزەڭ ونىڭ ءاليحان بوكەيحان، اح­مەت بايتۇرسىن ۇلى سىندى الاش كوسەم­دەرىمەن بىرگە جۇرگەن كەزى بولسا كەرەك.

– ءسۇيىنشى حاباردى ماسكەۋ قالا­سىنان عازىمبەكتىڭ تۋعان ءىنىسى نۇرحان قورعانبەك ۇلىنىڭ جالعىز قىزىنان تاراعان ۇرپاق لەيلا ناريمانقىزى جەتكىزدى. مۇنىڭ الدىندا الماتى قالاسىنداعى ورتالىق مەملەكەتتىك ارحيۆتە بولدىق. سول كەزدە 1909-1917 جىلى ارالىعىندا عازىمبەكتىڭ ورىنبور رەالدى ۋچيليششەسىندە وقىعانى تۋرالى قۇجاتتار تاپتىق. سولاردىڭ اراسىنان 1909 جىلى عازىمبەك ستيپەنديا يەلەنگەنىن بىلدىك. بۇعان قول جەتكىزۋگە اعاسى، 1-2 مەملەكەتتىك دۋمانىڭ دەپۋتاتى احمەت ءبىرىمجان سەبەپشى بولعان. سول كىسى ءبىر جارىم بەتتىك ءوتىنىش جازىپتى. ال ستيپەندياعا ۇمىتكەر بولىپ، ءبىر ورىنعا تالاسقان ەكىنشى ادام – احمەتتىڭ قاينىسى، ايەلى گۇلجاۋھار سەيدالينانىڭ تۋعان ءىنىسى سۇيىنگەرەي سەيدالين ەكەن. 1917 جىلى 21 قاراشادا «قازاق» گازەتىندە «الاش» پارتياسىنىڭ باعدارلامالىق جوباسى جاريالاندى. باعدارلامانى جازعان جەتى تۇلعانىڭ ءبىرى وسى عازىمبەك-ءتىن. بەينەتقورلىقپەن ەڭبەك ەتتى، تاعدىرى دا ازاپتى بولدى. الاشورداشىلارمەن بىرگە تۇتقىندالدى، جەر اۋدارىلدى. 1937 جىلى 41 جاسىندا اتۋ جازاسىنا كەسىلدى. اياۋلى ارىستىڭ ارتىنا قالدىرعان مۇراسىن تۇگەندەۋ – بۇگىنگى ۇرپاقتىڭ پارىزى، – دەيدى قايراتكەردىڭ ەڭبەكتەرىن جەكە جيناق ەتىپ قۇراستىرىپ، عۇمىرناماسىن زەردەلەپ جۇرگەن جاس عالىم دانيار يحسان.

قوستاناي وبلىسى

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار