بيزنەس پەن ينۆەستيتسيالارعا قاتىستى كەز كەلگەن زاڭسىز ارەكەت كاسىپكەرلىكتى قولداۋ جونىندەگى مەملەكەتتىك ساياساتتى ىسكە اسىرۋعا كەدەرگى رەتىندە قابىلداناتىنىن ايتقان قالا اكىمى م.ايتەنوۆ كاسىپكەرلەردى ادال بيزنەس جۇرگىزۋگە شاقىردى. ال سىبايلاس جەمقورلىققا قارسى ءىس-قيمىل اگەنتتىگى شىمكەنت قالاسى بويىنشا دەپارتامەنتىنىڭ باسشىسى شاتتىق وتەەۆ ەلىمىزدە پاراساتتى بيزنەستى قالىپتاستىرۋدىڭ ماڭىزدىلىعىن اتاپ ءوتتى. بۇل ءۇشىن تۇجىرىمدامادا سىبايلاس جەمقورلىققا قارسى ستاندارتتاردى ەنگىزۋ بويىنشا شارالار كەشەنى كوزدەلگەن. سونداي-اق كەزدەسۋدە ءتۇرلى سالالارداعى سىبايلاس جەمقورلىققا قارسى ءىس-قيمىل بويىنشا ازىرلەنگەن شارالار جونىندە باياندالدى. كورپوراتيۆتىك سەكتوردا سىبايلاس جەمقورلىققا قارسى ستاندارتتاردى ەنگىزۋ شارالارى ەگجەي-تەگجەيلى كورسەتىلدى.
قۇجات جوباسىن تالقىلاۋ بارىسىندا مەگاپوليستىڭ بيزنەس وكىلدەرى تۇجىرىمداماعا قولداۋ ءبىلدىردى. كاسىپكەرلەر سىبايلاس جەمقورلىققا قارسى ستاندارتتاردى ءوز ەركىمەن ەنگىزۋگە باعىتتالعان شارالار بلوگىن ماقۇلداپ, بۇل ءوز كەزەگىندە بيزنەستى ءتيىمدى دامىتۋعا مۇمكىندىك بەرەتىندىگىن اتاپ ءوتتى.
