جاڭا باسشىنى فيليال توراعاسى, قاراعاندى وبلىسىنىڭ اكىمى جەڭىس قاسىمبەك ساياسي كەڭەستىڭ كەڭەيتىلگەن وتىرىسىندا تانىستىردى.
بەكزات قومار ۇلى التىنبەكوۆ 1973 جىلى قاراعاندى وبلىسىنىڭ اقتوعاي اۋدانىندا دۇنيەگە كەلدى. ەڭبەك جولىن بۇقارالىق اقپارات قۇرالدارى سالاسىندا باستاعان: «ارقا ەڭبەككەرى» گازەتىنىڭ ءتىلشىسى, اقتوعاي اۋداندىق راديوستانساسىنىڭ تەلەجۇرگىزۋشىسى بولدى. سونىمەن قاتار ول ۇزاق جىلدار بويى ءبىلىم بەرۋ سالاسىندا باسشىلىق قىزمەتتەردى اتقارعان.
قاتارىنان ەكى رەت جەزقازعان قالالىق ءماسليحاتىنىڭ دەپۋتاتى بولىپ سايلاندى. قازىرگى ۋاقىتتا قاراعاندى وبلىستىق ءماسليحاتىنىڭ دەپۋتاتى.
تاريح عىلىمدارىنىڭ كانديداتى. ءبىلىم بەرۋ ءىسىنىڭ قۇرمەتتى قىزمەتكەرى. «التىن جۇرەك» ۇلتتىق سىيلىعىنىڭ لاۋرەاتى.
Nur Otan پارتياسىنىڭ قاتارىندا بەكزات التىنبەكوۆ 2007 جىلدىڭ ماۋسىم ايىنان بەرى تىركەلگەن.
وسى قىزمەتتى توعىز جىل بويى اتقارعان قاديشا وسپانوۆا وبلىستىق ماسليحاتقا جۇمىسقا اۋىستى. ول الەۋمەتتىك-مادەني دامۋ جانە حالىقتى الەۋمەتتىك قورعاۋ جونىندەگى تۇراقتى كوميسسيانىڭ ءتورايىمى بولىپ سايلاندى.
