«اقتوبە, اتىراۋ, باتىس قازاقستان, ماڭعىستاۋ وبلىستارىن الەۋمەتتىك-ەكونوميكالىق دامىتۋدىڭ كەشەندى جوسپارلارىنىڭ جوبالارى ۇسىنىلىپ وتىر. پرەزيدەنتتىڭ تاپسىرماسىن ورىنداۋ ءۇشىن اقتوبە جانە باتىس قازاقستان وبلىستارىن دامىتۋدىڭ 2022-2025 جىلدارعا ارنالعان جاڭا كەشەندى جوسپارلارى دايىندالدى. سونىمەن قاتار اتىراۋ جانە ماڭعىستاۋ وبلىستارىن دامىتۋدىڭ 2021-2025 جىلدارعا ارنالعان كەشەندى جوسپارى پىسىقتالدى», دەدى مينيستر.
مينيستر باتىس وڭىرلەرىن دامىتۋدىڭ 4 كەشەندى جوسپارىن قارجىلاندىرۋدىڭ جالپى كولەمى 15,3 ترلن تەڭگە, ونىڭ ىشىندە رەسپۋبليكالىق بيۋدجەتتەن – 1,7 ترلن تەڭگە قۇراعانىن اتاپ ءوتتى.
«مينيسترلىك, ورتالىق مەملەكەتتىك ورگاندارمەن, اكىمدىكتەرمەن بىرلەسىپ, وڭىرلەردىڭ الەۋمەتتىك-ەكونوميكالىق دامۋىنا جانە تۇراقتى جۇمىس ورىندارىن قۇرۋعا تىكەلەي جانە جاناما مۋلتيپليكاتيۆتىك اسەرلەردىڭ جوعارى الەۋەتى بار جوبالاردى ىرىكتەۋ بويىنشا جۇمىس جۇرگىزدى», دەدى ول.
اقتوبە وبلىسىنىڭ كەشەندى جوسپارى 92 ساتىنى قۇرايدى. جوسپاردى ىسكە اسىرۋدىڭ جالپى سوماسى 1,7 ترلن تەڭگە, ونىڭ ىشىندە رەسپۋبليكالىق بيۋدجەت – 343,3 ملرد تەڭگە, جەرگىلىكتى بيۋدجەت - 165,6 ملرد تەڭگە, جەكە ينۆەستيتسيالار - 1,2 ترلن تەڭگەگە تەڭ. ال باتىس قازاقستان وبلىسىن دامىتۋدىڭ كەشەندى جوسپارى جالپى سوماسى 2,6 ترلن تەڭگەنى قۇرايتىن 116 ءىس-شارامەن تولىقتىرىلعان. ونىڭ ىشىندە رەسپۋبليكالىق بيۋدجەت – 416,1 ملرد تەڭگە, جەرگىلىكتى بيۋجەت – 117,8 ملرد تەڭگە, جەكە ينۆەستيتسيالار – 2,1 ترلن تەڭگە. اتىراۋ وبلىسىن دامىتۋدىڭ كەشەندى جوسپارى جالپى سوماسى 8,9 ترلن تەڭگە بولاتىن 185 ءىس-شارادان تۇرادى. ونىڭ ىشىندە رەسپۋبليكالىق بيۋدجەت – 535,8 ملرد تەڭگە, جەرگىلىكتى بيۋدجەت – 112,6 ملرد تەڭگە, جەكە ينۆەستيتسيالار – 8,3 ترلن تەڭگە تەڭگە. ماڭعىستاۋ وبلىسىن دامىتۋدىڭ وزەكتىلەندىرىلگەن كەشەندى جوسپارى جالپى قارجىلاندىرۋ كولەمى 2,1 ترلن تەڭگەنى قۇرايتىن 226 ءىس-شارادان تۇرادى. ونىڭ ىشىندە رەسپۋبليكالىق بيۋدجەت – 375,2 ملرد تەڭگە, جەرگىلىكتى بيۋدجەت – 117,9 ملرد تەڭگە, جەكە ينۆەستيتسيالار - 1,6 ترلن تەڭگە.
