«بۇدان باسقا, قارعالى وزەنىندە جوبالىق قۋاتى تاۋلىگىنە 15 مىڭ م3 سۋ الاتىن سۋ تارتۋ قۇرىلعىسىنىڭ قۇرىلىسى ءجۇرىپ جاتىر. اقساي وزەنىندەگى جەرۇستى كوزى بويىنشا جوبالىق قۋاتى تاۋلىگىنە 22 مىڭ م3 سۋ تارتۋ قۇرىلعىسىن سالۋ جوسپارلانۋدا. بوستاندىق اۋدانىندا جوبالىق قۋاتى تاۋلىگىنە 9 مىڭ م3 سۋ جيناۋ نىسانى مەن سۋ دايىنداۋ ستانتسياسىنىڭ (ەرمەنساي) قۇرىلىسى جوبالانۋدا. ساراپتاما قورىتىندىسىن الۋ 2022 جىلدىڭ ناۋرىز ايىنا جوسپارلانعان», دەدى مۇحيت ازىرباەۆ.
مۇحيت ازىرباەۆتىڭ مالىمەتىنشە, بيىل 1 066 كوشە مەن 486 اۋلا اۋماعىندا سىرتقى جارىق قۇرىلىسى اياقتالادى, جىل ىشىندە 24 كوشە جارىقتاندىرىلادى. بيىل مەدەۋ, الاتاۋ جانە ناۋرىزباي اۋداندارىندا جالپى ۇزىندىعى 147,2 كم ەلەكتر جەلىلەرىن رەكونسترۋكتسيالاۋ اياقتالادى.
«ەكى جاڭا قوسالقى ستانتسيانىڭ قۇرىلىسى بويىنشا جۇمىستار جۇرگىزىلۋدە», دەپ ناقتىلادى ول.
سونداي-اق جەتىسۋ اۋدانىندا جالپى قۋاتى 50 مۆت «كيرپيچنايا» قس بويىنشا كونكۋرستىق ۇردىستەر باستالدى. اكىمنىڭ ورىنباسارى اتاپ وتكەندەي, جىلۋمەن ۇزدىكسىز قامتاماسىز ەتۋ جانە جىلۋ ەنەرگياسىنىڭ تاپشىلىعىن جويۋ ءۇشىن قازاندىقتاردىڭ قۋاتىن ارتتىرۋ جۇمىستارى ءجۇرىپ جاتىر. 2019 جىلى باستالعان نەگىزگى جانە قوسالقى جابدىقتى اۋىستىرا وتىرىپ, «وڭتۇستىك اۋداندىق قازاندىقتى» قايتا جاڭارتۋ 55 گكال/ساع قۋات ءوسىمىن قامتاماسىز ەتەدى, بۇدان باسقا, وتكەن جىلى «پرەمەرا» قازاندىعىن كەڭەيتۋ بويىنشا جۇمىستار باستالدى, ونىڭ قۋاتى 100 گكال/ساع.
