قور ستراتەگياسى ازىرلەنەدى

ءباسپاسوز ءماسليحاتىنا «قازاقستان حالقىنا» قوعامدىق-əلەۋمەتتىك قورىنىڭ توراعاسى بولات جامىشەۆ پەن قوردىڭ قامقورشىلىق كەڭەسىنىڭ مۇشەسى ءلاززات شىڭعىسباەۆا قا­تىستى. ب.جامىشەۆ قور مەملەكەت قام­تا­ماسىز ەتپەيتىن باعىتتار بويىنشا الەۋمەتتىك سالاداعى پروبلەمالاردى شەشۋ ءۇشىن قۇرىلعانىن جەتكىزدى.

«كەيبىر ادامدار بۇل بيزنەس­كە سالىنعان قوسىمشا سالىق دەپ قا­بىل­دايتىنى تۋرالى حابارلاما­لاردى كوردىم. بۇل سالىق ەمەس، كاسىپ­ورىنداردىڭ ەرىكتى ءتىزىمى دەپ ايت­قىم كەلەدى. قازىر نەگىزىنەن ءىرى بيز­نەس كاسىپورىندارى مەن وسى كاسىپ­ورىنداردىڭ اكتسيونەرلەرى اقشا اۋدارۋدا. سالىق زاڭناماسىنا سايكەس، سالىق سالىناتىن تابىستىڭ 3%-نا دەيىن سالىق شەگەرىمدەرى كوزدەلگەن جانە بۇل اقشانىڭ بارلىعى قايىرىمدىلىققا جىبەرىلەدى. مەنىڭ ويىمشا، وسى سالىقتىق جەڭىلدىكتەر اياسىندا اۋدارىمدار جۇزەگە اسىرىلادى. سوندىقتان بۇل اۋدارىمدار باعانىڭ وسۋىنە اسەر ەتپەيدى. كوپتەگەن كاسىپكەر قايىرىمدىلىقپەن اينالىسادى. جاڭا قور قۇرا وتىرىپ، ولاردىڭ بارلىق ىسكە اسىراتىن جوبالارى قارجىلاندىرىلادى دەپ ويلايمىن»، دەدى قور توراعاسى.

ونىڭ ايتۋىنشا، بيزنەسمەندەر قايىرىمدىلىققا اۋدارىلعان قاراجاتتىڭ جۇمسالۋىنا نەمقۇرايدى قارامايدى. قوردىڭ جاۋاپتى جانە ءتيىمدى جۇمىسى عانا قاراجاتتىڭ تۇراقتى تۇسۋىنە مۇمكىندىك بەرەدى. سونىمەن قاتار دەمەۋشىلەر اراسىنان كەڭەس قۇرۋ دا جوسپاردا بار. وسى كەڭەسپەن بىرلەسىپ قور دونورلارىمەن جۇمىس ىستەۋ ستراتەگياسى ازىرلەنەدى. ەرىكتى قايىرىمدىلىقتاردان باسقا قورعا لوتەرەيا قىزمەتى وپەراتورىنان جانە مولشەرلەمەلەردى ەسەپتەۋ ورتالىعىنان، سونداي-اق ۇكىمەت ايقىنداعان باسقا دا كوزدەردەن قاراجات تۇسەدى.

«بۇگىندە جەكە تۇلعالار ەرىكتى نەگىزدە قوردى قالىپتاستىرۋعا قاتىسۋدا جانە قور قانداي دا ءبىر ناۋقان شەڭبەرىندە ماجبۇرلەۋ ارقىلى جاسالىپ جاتىر دەۋگە سەبەپتەردىڭ بولۋىنا ءۇزىلدى-كەسىلدى قارسى. ءبىز جەكە تۇلعالاردىڭ ەرىكتى تۇردە قاتىسۋىن قولدايمىز. قور حالىقتىڭ قانداي دا ءبىر توپتارى مەملەكەت پەن جەكە بيزنەس ۇسىنبايتىن قىزمەتتەرگە مۇقتاج بولعان جاعدايلاردا دەنساۋلىق ساقتاۋ، ءبىلىم بەرۋ، الەۋمەتتىك قورعاۋ، مادەنيەت جانە سپورت سالاسىندا قايىرىمدىلىق كومەك كورسەتەدى»، دەدى ب.جامىشەۆ.

سونداي-اق قور ەلىمىزدىڭ تۇتاستىعى مەن تاۋەلسىزدىگىن قورعاۋ كەزىندە قازا تاپقان اسكەري قىزمەتشىلەر مەن قۇقىق قورعاۋ ورگاندارى قىزمەتكەرلەرىنىڭ وتباسىلارىنا قولداۋ كورسەتەدى. تابيعي جانە تەحنوگەندىك سيپاتتاعى اپاتتار كەزىندە حالىققا مەملەكەتپەن بىرگە كومەكتەسەدى. بۇعان قوسا، قور بالالار ءۇشىن سپورت نىساندارىنىڭ جانە وزگە دە الەۋمەتتىك ماڭىزى بار قىزمەتتەردىڭ قولجەتىمدىلىگىن قامتاماسىز ەتۋگە قاتىسادى.

«جۇمىس توبى اياسىندا قايى­رىمدىلىق ۇيىمداردىڭ وكىلدەرىمەن كەز­دەسۋلەردە وسى ماسەلەلەر تالقى­لاندى. كوپتەگەن ادامدار سەرىكتەستەردى تاڭداۋعا وتە مۇقيات قاراۋ كەرەك دەيدى. ءىس جۇزىندە تاجىريبەسى جانە بەدەلى بار سەرىكتەستەرمەن جۇمىس ىستەۋ كەرەك. پرەزيدەنت تىكەلەي جۇگىن­گەن جينالىسقا قاتىسۋشىلاردىڭ قۇرا­مىنا سۇيەنە وتىرىپ، ءىرى جانە ورتا كاسىپورىندارىمىزدىڭ سالىق سالىناتىن كىرىس كولەمىنە قاراي، قوردا 100 ملرد تەڭگە جينالادى دەپ ويلايمىز. ەگەر شامامەن 150 ملرد تەڭگە قاراجات تۇسسە، وسى 100 ملرد تەڭگەگە ءبىرىنشى كەزەكتەگى مىندەتتەردى جانە 50 ملرد تەڭگەگە ەكىنشى دەڭگەيدەگى قوسىمشا مىندەت­تەردى قۇرۋىمىز كەرەك. قور قايىرىم­دىلىق كومەككە مۇقتاج جەكەلەگەن ادامدارعا اتاۋلى، سونداي-اق جۇيەلى دەڭ­گەيدە كومەك كورسەتۋگە ءتيىس. مۇنى دا جولعا قويۋىمىز كەرەك»، دەدى قور باسشىسى.

ال قوردىڭ قامقورشىلىق كەڭەسىنىڭ مۇشەسى ءلاززات شىڭعىسباەۆانىڭ ايتۋىنشا، اشىق تۇردە ىستەلگەن جۇمىس ماسەلە تۋدىرمايدى، سەنىمگە سەلكەۋ تۇسىرمەيدى. ەڭ باستىسى، قوردىڭ تسيفرلاندىرۋ پلاتفورماسى قاراپايىم مۇقتاج ازاماتتارعا ىڭعايلى بولادى. بۇعان دەيىن كومەككە مۇقتاج ازاماتتار اراسىندا قاي قورعا ءوزىنىڭ ءوتىنىشىن بەرۋى كەرەك، قوردى قالاي تابۋى كەرەك دەگەن سياقتى ماسەلەلەر تۋىنداعان ەدى. ال ەندى ينتەرنەت، سمارتفون، كومپيۋتەر ارقىلى ءبارىن پلاتفورمادا جۇرگىزۋگە بولادى. بۇل ەلەكتروندى ۇكىمەت جۇيەسى ارقىلى جۇزەگە اسىرىلادى. قور ءوتىنىم بەرۋشىدەن تۇسكەن وتىنىشتەن ونىڭ جاعدايى تۋرالى ءبىلىپ وتىرادى. قاراپايىم ازاماتتار قىسىلعان كەزدە بارلىق قورعا وتىنىمدەرىن بەرەدى.

«حالىق ءتۇسىنۋى كەرەك. بىزدە قورلار كوپ. ولاردىڭ ارقايسىسىنىڭ كومەك كورسەتۋ جولدارى دا ءارتۇرلى. جەكە كونتسەپتسياسى، جارعىمەن نەمەسە باسقا دا قۇجاتتارمەن بەكىتىلگەن باعىت­تارى بار. سوندىقتان قاربالاس بولماۋى ءۇشىن وزىندىك ىڭعايلى ەكو­جۇيە جاسالادى. قايىرىمدىلىق قورلارى قانداي ءوتىنىش كەلىپ تۇسكەنىن كورىپ وتىرادى. بۇل باعىتتا كىم جۇ­مىس ىستەيدى، سول قور ءوتىنىمدى قابىل­­داي­دى. قازاقستاننىڭ قاي وڭىرى­­نەن قان­داي وتىنىمدەر ءتۇسىپ جات­قا­نىن، قان­داي قورلار بەلسەندى جۇ­مىس ىس­تەپ جاتقانىن، ءوتىنىمدى قاي قور ون­دىرىسكە العانىن ءبىز دە قاراپ وتىرا­مىز. ءوتىنىم بويىنشا بار­لىق قۇجات دايىن بولعاندا قور بىزگە حابار­لاسىپ، قانداي ماسەلەلەر تۋىن­دا­عانىن، كومەككە قانشا قارجى جينال­­عانىن ايتادى. جەتپەي جاتسا كو­مەك­تەسۋىمىزدى سۇراپ، سەرىكتەس رەتىن­دە ءوتىنىم جاسايدى. سوندا جۇمىس ناتي­جەلى بولادى دەپ سەنەمىز. بۇدان باسقا، ءوز كومەكتەرىن كورسەتىپ جاتقان دونورلار، ياعني ءارتۇرلى ازاماتتار، ءىرى كومپانيالار دا بار. ولارعا دا بۇل پلاتفورما ىڭعايلى بولادى»، دەدى سپيكەر.

سونداي-اق ول ءار وڭىردەگى مەم­لەكەتتىك ورگاندار ءوز باعىتتارىندا جۇمىسىن جۇرگىزەتىنىن، ال قور ولارعا قوسىمشا كومەك كورسەتەتىنىن اتاپ ءوتتى.

ء«بىز ەشقانداي مەملەكەتتىك ورگان­نىڭ، الەۋمەتتىك ماسەلەلەردى شەشىپ جۇرگەن قايىرىمدىلىق قورلاردىڭ، قوعامدىق بىرلەستىكتەردىڭ جۇمىسىن تارتىپ المايمىز. ءبىز تەك قانا سەرىك­تەس رەتىندە كومەك كورسەتەمىز»، دەدى قامقورشىلىق كەڭەسىنىڭ مۇشەسى.