ەلوردا • 22 قاڭتار، 2022

ەلورداداعى قۇرىلىسى ۇزاققا سوزىلعان جەو-3 قولدانىسقا قاشان بەرىلەدى

68 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا قۇرىلىسى ۇزاققا سوزىلعان جەو-3 جۇمىستارى قاشان اياقتالاتىنىن ايتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

«ەلوردادا جىل سايىن 3 ملن شارشى مەتردەن استام تۇرعىن ءۇي سالىناتىنىن، ال جىلىتۋ ماۋسىمى شامامەن 7 ايعا سوزىلاتىنىن ەسكەرسەك، جىلۋ ەنەرگياسىنىڭ قۋاتىن ارتتىرۋ قاجەت. جەو-3 قۇرىلىسى – 10 جىل بۇرىن باستالعان قالانىڭ ۇزاق قۇرىلىستارىنىڭ ءبىرى. بىلتىر ءبىز جەو-3 قۇرىلىسىن قايتا باستادىق.

مەملەكەت باسشىسىنىڭ تاپسىرماسى بويىنشا ۇكىمەت نىسان قۇرىلىسىن قارجىلاندىرۋ ءۇشىن قاراجات ءبولدى. بۇگىن ارالاۋ بارىسىندا جەو-3 قۇرىلىس-مونتاجداۋ جۇمىسىمەن تانىستىم.

مەردىگەرگە بيىل جەو-3 قۇرىلىسىن اياقتاۋدى تاپسىردىم. كەلەسى جىلىتۋ ماۋسىمىنىڭ باسىندا (2022 جىلدىڭ كۇزى) جەو-3 قۋاتتىلىعى ساعاتىنا 240 گيگاكالوريانى قۇرايدى. ال 2023 جىلدىڭ قاڭتارىندا – ساعاتىنا 360 گيگاكالوريا (440 گكال/ساع دەيىن). جەو قۋاتتىلىعى 6،5 ملن شارشى مەتر تۇرعىن ءۇيدى جىلۋمەن قامتۋعا مۇمكىندىك بەرەدى.

سونداي-اق، ءۇش گاز قازاندىعىن جوبالاۋ جۇمىسى ءجۇرىپ جاتىر. ولاردىڭ قۋاتتىلىعى ساعاتىنا 1600 گيگاكالوريانى قۇرايدى، بۇل جەو-3 قۋاتىنان 3،5 ەسەدەن اسا كوپ. وسىلايشا گاز قازاندىقتارى 22 ملن شارشى مەتردەن استام تۇرعىن ءۇيدى قوسىمشا جىلىتۋعا مۇمكىندىك بەرەدى.

بۇدان باسقا، قولدانىستاعى جىلۋ ەلەكتر ورتالىقتارىن جاڭعىرتۋ بويىنشا جۇمىستار جۇرگىزىلدى: جەو-1 جانە جەو-2-دە سۋ جىلىتۋ قازاندىقتارى گازعا اۋىستىرىلدى، سول سياقتى قالانى گازداندىرۋ بويىنشا جۇمىستار ارى قاراي دا ءجۇرىپ جاتىر»، دەپ جازدى ەلوردا اكىمى الەۋمەتتىك جەلىدە.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار