سونىمەن قاتار ۇستالعان جانە تۇتقىندالعان ازاماتتاردىڭ قۇقىقتارىن قامتاماسىز ەتۋ ءۇشىن پروكۋرورلاردىڭ قابىلداعان شارالارى جونىندە باياندادى. عيزات نۇرداۋلەتوۆتىڭ ايتۋىنشا, ولاردىڭ ءبارى قورعاۋ, زاڭدى كومەك الۋ, شاعىم جاساۋ قۇقىعىمەن قامتاماسىز ەتىلىپ جاتىر. پروكۋراتۋرا ورگاندارىنا قاڭتار وقيعاسىنا قاتىسقان ازاماتتاردان 84 شاعىم تۇسكەن. قاداعالاۋ شارالارى بويىنشا ۇستالعان 96 ادام بوساتىلعان.
سونىمەن قاتار قاداعالاۋ ورگانىنىڭ جەتەكشىسى ناقتى دالەلى جوق جاعدايلاردا جازانى جەڭىلدەتۋ جونىندەگى مەملەكەت باسشىسىنىڭ بەرگەن تاپسىرماسىنىڭ ورىندالۋ بارىسى تۋرالى ەسەپ بەردى. بەرىلگەن مالىمەتتەر بويىنشا اكىمشىلىك تارتىپكە سايكەس سوتتاردىڭ شەشىمىمەن 3314 ادام تۇتقىندالعان. پروكۋرورلار 1884 ىسكە قاتىستى جازانى جەڭىلدەتۋ جونىندە ءوتىنىش بەرگەن. ولاردى تەكسەرۋ ناتيجەسىندە 1083 ادام تۇتقىننان بوساتىلعان. 493 ازاماتقا سالىنعان ايىپپۇل ەسكەرتۋ جازاسىنا اۋىستىرىلعان.
باياندامالاردى تىڭداعان مەملەكەت باسشىسى بولعان وقيعانىڭ بارلىق ءمان-جايىن انىقتاۋ جۇمىستارىن جالعاستىرۋ قاجەت ەكەنىن ايتتى.
ەسكە سالايىق, بۇگىن پرەزيدەنت جەكەلەگەن مەملەكەتتىك ورگانداردىڭ باسشىلارىمەن كەڭەس وتكىزدى.
