وقيعا • 22 قاڭتار، 2022

ەلوردادا بالا كۇتۋشى جۇمىس بەرۋشىنى توناپ كەلگەن

107 رەت كورسەتىلدى

پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە ءىرى ۇرلىق جاسادى دەگەن كۇدىكپەن 22 جاستاعى قىزدى ۇستادى، دەپ حابارلايدى Egemen.kz.

«كۇدىكتى 2021 جىلدىڭ قاراشا ايىنان باستاپ بۇگىنگە دەيىنگى بالا كۇتۋشى بولىپ جۇمىس ىستەپ كەلگەن. وسى ارالىقتا كۇتۋشى ءوز جۇمىس بەرۋشىسىنىڭ 1 ملن تەڭگە اقشالاي قاراجاتى مەن زەرگەرلىك بۇيىمدارىن، گادجەت جانە وزگە دە زاتتارىن قولدى ەتكەن»، دەپ حابارلادى نۇر-سۇلتان قالاسىنىڭ پد.

ءوتىنىش بەرۋشىنىڭ ايتۋىنشا، ول كۇتۋشىنى جۇمىسپەن قامتۋ اگەنتتىگى ارقىلى تاپقان. قىز ەكى بالانى كۇتىپ قاراپ، سەنىمگە كىرىپ، وتباسىن جۇيەلى تۇردە ۇرلاي باستاعان. الدىمەن اقشا جوعالا باستاعان، مۇنى جابىرلەنۋشى بايقاماعان. الايدا بالا كۇتۋشىسى التىن بۇيىمداردى، كيىم مەن گادجەت سىندى قۇندى دۇنيەلەردى ۇرلاي باستاعاندا عانا ءۇيدىڭ يەسى زاتتارىنىڭ جوعالعانىن بايقاپ پوليتسياعا جۇگىنگەن.

بالا كۇتۋشى تۇرعان بولمەنى تەكسەرۋ بارىسىندا پوليتسەيلەر بارلىق ۇرلانعان زاتتاردى تاۋىپ الىپ، تاركىلەدى.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ءوز كىناسىن مويىندادى، ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىستىلىعى تەكسەرىلۋدە.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار