«ۇكىمەت بارلىق كەن ورىندارىنا تەكسەرۋ جۇرگىزۋى ءتيىس. ەگەر كەن ورنى قۇردان بوس الىنسا, وندا ونى قايتارىپ الۋ جانە ول جەردە جۇمىس ىستەۋگە دايىن تۇرعاندارعا بەرۋ قاجەت», دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
قر پرەزيدەنتى سترەسستىك اكتيۆتەردى ەكونوميكالىق اينالىمعا شىعارۋ قاجەتتىگىن دە باسا ايتتى.
«تولىقتاي العاندا, ەگەر جۇمىس ىستەمەيتىن اكتيۆتەر, ولاردى ەكونوميكالىق اينالىمعا تارتۋ جايىندا ايتار بولساق, وندا سترەسستىك اكتيۆتەر ماسەلەسىنە بارىنشا بايىپپەن قاراۋ كەرەك. بانكتەردەگى مۇنداي تىيىم سالىنعان اكتيۆتەردى ساتىپ الۋعا زادى تۇرعىدا وكىلەتتى سۋبەكتىلەر اياسىن كەڭەيتۋ مۇمكىن دەپ سانايمىن. قارجىلىق رەتتەۋ اگەنتتىگى ۇكىمەتپەن بىرلەسىپ, سترەستىك اكتيۆتەردىڭ تسيفرلىق پلاتفورماسىن, ينفراقۇرىلىمىن, قايتالاما نارىقتا ساتىپ الۋ جانە ساتىلۋىن جاساقتاۋى, ولاردى ساتىپ الۋ ءۇشىن سالىقتى قوسا العاندا ىنتالاندىرۋى قاجەت», دەدى قاسىم-جومارت توقاەۆ.
