پرەزيدەنت • 21 قاڭتار، 2022

بيزنەستىڭ ءبىر قولدا بولۋى مەملەكەت ءۇشىن قاۋىپتى – قاسىم-جومارت توقاەۆ

1135 رەت كورسەتىلدى

پرەزيدەنت قاسىم-جومارت توقاەۆ بيزنەستىڭ ءبىر قولعا شوعىرلانۋى، كاسىپكەرلىككە قابىلەتتى باسقا ادامداردىڭ اينالىسۋ مۇمكىندىگى بولماۋى بارلىق مەملەكەت ءۇشىن قاۋىپتى ءۇردىس سانالاتىنىن ايتتى، دەپ حابارلايدى Egemen.kz.

پرەزيدەنت رەفورمالار جونىندەگى جوعارى ەكونوميكالىق كەڭەس وتىرىستارىنىڭ بىرىندە قازاقستاندا وليگوپوليا بار ەكەنىن ايتقانىن ەسكە الدى.

«مەن ءدال وسى تەزيستى پارلامەنتتە 11 قاڭتاردا قايتالادىم. مۇندا قاتىسقانداردىڭ ءبارى وليگوپوليانىڭ كلاسسيكالىق انىقتاماسىن بىلەدى دەپ ۇمىتتەنەمىن.

وليگوپوليا - بيزنەستى ارتاراپتاندىرۋعا تۇراقتى ۇمتىلىس، بىراق بۇل ەل ەكونوميكاسىن ءارتاراپتاندىرۋ ءۇشىن ەمەس. ياعني، سول ادام نەمەسە سول كومپانيا وندىرەدى، وڭدەيدى جانە بانكتەرمەن جۇمىس ىستەيدى جانە باسقا دا كوپتەگەن بيزنەستەردى جۇزەگە اسىرادى، ال قالعاندارى تيگەنىن الادى»، دەدى توقاەۆ.

پرەزيدەنت بيزنەستى مونوپوليالاۋ دۇرىس ەمەس ەكەنىن ايتتى.

«ادامدار بيزنەستىڭ بارلىق ءتۇرى نەگە ءبىر ادامدار قولىندا دەپ ويلايدى. ء«بىزدىڭ قاي جەرىمىز كەم؟» دەگەن سۇراق قويادى. گەگەلدى بابەلمەن شاتاستىراتىن، ارنايى ءبىلىمى جوق ادامدار بار، بىراق ولاردىڭ قولىندا ۇلكەن بيزنەس بار. سونداي-اق ارنايى كۋرستاردى بىتىرگەن ءبىلىمدى ادامدار بيزنەس كوزدەرىنە، نەسيە رەسۋرستارىنا قول جەتكىزە المايدى. بيزنەس دامي بەرەدى، بۇل دەپرەسسيانى، قوعامعا سەنبەۋدى، وسىدان تۋىندايتىن بارلىق الەۋمەتتىك-ەكونوميكالىق سالدارمەن ادىلدىككە سەنبەۋدى تۋدىرادى»، دەدى ق.توقاەۆ.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار