كاسىپقوي بوكس • 21 قاڭتار، 2022

WBO اندرادەنىڭ الىمحان ۇلىمەن كەزدەسپەۋىنە مۇمكىندىك بەردى مە؟

511 رەت كورسەتىلدى

WBO تۇجىرىمى بويىنشا ورتا سالماقتاعى الەم چەمپيونى، امەريكالىق بوكسشى دەمەتريۋس اندرادەنىڭ مىندەتتى قارسىلاس جانىبەك الىمحان ۇلىمەن كەزدەسۋدەن باس تارتۋىنا تاعى ءبىر مۇمكىندىك بەرىلىپ وتىر، دەپ حابارلايدى Egemen.kz.

ءيا، ەكى بوكسشىنىڭ جەكپە-جەگىن وتكىزۋ ءۇشىن ۇيىمداستىرىلاتىن پروموۋتەرلىك ساتىلىم تاعى ءبىر اپتاعا كەيىن شەگەرىلدى. ۇيىم باسشىلىعى مۇنى كوروناۆيرۋستىق ينفەكتسيانىڭ ورشۋىمەن بايلانىستىردى. وسىلايشا پروموۋتەرلىك ساتىلىمنىڭ ەكىنشى مارتە داتاسى اۋىستى.

بۇل جاعدايدان ءبىر عانا ماسەلەنى تۇسىنۋگە بولادى. اقش بوكسشىسى ەكىنشى ورتا سالماق دارەجەسىنە كوتەرىلىپ، ونداعى ۋاقىتشا چەمپيون زاك پاركەرمەن شايقاس ماسەلەسىن از ۋاقىتتا رەتتەۋگە تالپىنىپ جاتىر. ولاي بولماعان جاعدايدا امالسىز قازاقستاندىق بوكسشىمەن پروموۋتەرلىك ساتىلىمسىز جەدەل كەلىسسوز جۇرگىزۋگە كۇش سالۋى ىقتيمال. ايتكەنمەن ەكىنشى نۇسقادان گورى ءبىرىنشى نۇسقا كوبىرەك شىندىققا جاناساتىن سەكىلدى. اندرادە پاركەرمەن كەزدەسىپ ونى جەڭسە، ساۋل الۆارەستىڭ مىندەتتى قارسىلاسى اتانادى. قىسقاسى پروموۋتەرلىك ساتىلىم ۋاقىتى 28 قاڭتارعا اۋىستى. ءالىپتىڭ ارتىن باعايىق.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار