ەكونوميكا • 20 قاڭتار، 2022

مۇناي باعاسى كوتەرىلە مە؟

44 رەت كورسەتىلدى

18 قاڭتار كۇنى مۇناي باعاسى 2014 جىلدان بەرى العاش رەت باررەلىنە 88 دوللاردان اسىپ ءتۇستى. ساراپشىلاردىڭ ايتۋىنشا، تاياۋ شىعىستاعى شيەلەنىسكەن احۋال «قارا التىننىڭ» كۇرت قىمباتتاۋىنا سەبەپ بولعان. 19 قاڭتاردا باعا 89 دوللار مەجەسىن باعىندىردى. وسىلايشا، تەڭگەنىڭ دە نىعايا ءتۇسىپ، قازاقستان قور بيرجاسىندا 1 دوللاردىڭ 434،07 تەڭگەگە ساتىلۋىنا جول اشتى. ماماندار بۇل قىمباتتاۋدىڭ ءالى باسى عانا دەپ وتىر.

Bloomberg-ءتىڭ جازۋىن­شا، يەمەندىك حۋسيتتەردىڭ وپەك ون­دى­رۋشىلەرىنىڭ ءىرى ۇشتى­گى­نە كى­رە­تىن بىرىككەن اراب امىر­لىك­تە­رىنە شابۋىل جاساۋى مۇناي باعاسىنىڭ كوتەرىلۋىنە اسەر ەتتى. «نارىقتاعى كوڭىل كۇيدى ءپوزيتيۆتى دەپ باعا­لاۋ­عا بولادى، ال ءباا-گە جاسالعان شابۋىل باعانى تاعى دا كوتەرىپ جىبەردى» دەيدى ING ساراپشىسى ۋوررەن پاتتەرسون. سەبەبى مۇن­داي توسىن وقيعالار كەزىندە ترەيدەرلەر مۇناي جەتكىزۋ كەزىندە ىر­كى­لىس بولا ما دەپ قورقادى. ەگەر توتەنشە جاعدايدىڭ وندىرىسكە كەسىرىن تيگىزبەيتىنى انىقتالسا، وندا باعا تومەندەي باستايدى. ال ەگەر احۋالدىڭ ۇزاق مەرزىمدى زاردابى بولسا، وندا باعا شارىقتاي تۇسەدى.

2022 جىلدىڭ 17 قاڭتارىندا حۋسيتتەر ابۋ-دابيدەگى ۇلتتىق مۇناي كومپانياسىنىڭ نىسان­دا­رى مەن حالىق­ارا­لىق اۋە­جاي ماڭىنداعى قۇرىلىس الا­ڭى­نا ۇشقىشسىز ۇشاق جانە بالليس­تي­كا­لىق زىمىراندارمەن شابۋىل جاساپ، سالدارىنان 3 ادام قازا تاۋىپ، التاۋى جاراقات الدى. ء«ال-جازيرا» تەلەارناسىنىڭ حابار­لاۋىنشا، حۋسيتتەر قارۋلى كۇش­تەرىنىڭ قولباسشىسى ماحدي ءال-ماشات «ەگەر امىرلىكتەر اگرەسسيا تانىتار بولسا، وندا ولاردىڭ ەكو­نوميكاسى مەن ينۆەستيتسياسىنا بۇدان دا زور قاتەر توندىرەمىز» دەپ مالىمدەپتى.

يەمەندەگى احۋال 2014 جىلدان بەرى شيەلەنىسىپ تۇر. سول جىلى ۇكىمەتتىك كۇشتەر مەن حۋسيتتەر اراسىندا قارۋلى قاقتىعىس باس­تالدى. 2015 جىلدان باس­تاپ ساۋد ارا­بياسى باستاعان اراب كوالي­تسياسى ۇكى­مەتكە كومەكتەسىپ كە­لەدى. سوڭعى ۋاقىتتا ءباا اسكەري وپە­راتسيالارعا قاتىسۋىن اياقتا­عا­نىن مالىمدەگەنىمەن، يەمەن پورتتارىندا قۇرعان اسكەري بازالارىن الىپ كەتكەن جوق. سوڭعى بىرنەشە اپتادا ءباا ۇكىمەت تاراپىندا بىرنەشە پروۆينتسيا­دا حۋسيتتەرگە قارسى سوعىستى. سو­نىڭ ناتيجەسىندە شەبۆا پروۆينتسياسىنىڭ وڭتۇستىك-شىعىس اۋدانىن ۇكىمەت باقىلاۋىنا قاي­تار­دى. حۋسيتتەردىڭ امىرلىك­تەر­گە ىزالانۋ سەبەبى وسىندا جاتىر. ولار بۇعان دەيىن 2019 جىلى ساۋد ارابياسىنىڭ مۇناي وڭدەۋ زا­ۋىتتارىنا شابۋىلداپ، سونىڭ سالدارىنان ءوندىرىس كولەمى 2 ەسە قۇلدىراعان ەدى.

CMC Markets ساراپشىسى ەش گلوۆەر بيىل مۇنايعا دەگەن سۇ­رانىس ۇسىنىستان اسىپ تۇسەدى دەيدى.

«ويتكەنى الەم ەكى جىلدىق وقشاۋلا­نۋ­­دان شىعىپ، ەندى عانا قالىپتى سۇ­را­نىس تراەكتورياسىنا ورالىپ جاتىر. جەلتوقساندا وپەك+ ەلدەرى مۇناي ءوندىرىسى ءوسىمىن قاڭتاردا تاۋلىگىنە 400 مىڭ باررەلگە جەتكىزۋگە كەلىستى. الايدا كەيبىر ءىرى وندىرۋشىلەر ينۆەس­تيتسيانىڭ جەتپەۋىنەن ءوندى­رىس قۋاتتىلىعىنىڭ تاپشى­لى­عىن سەزىنىپ وتىر جانە رۇقسات ەتىلگەن كۆوتا كولەمىندە مۇناي ءوندىرىسىن ۇلعايتا المايدى. ەگەر قازىرگى گەوساياسي قىسىم ساقتالسا جانە وپەك+ مۇشەلەرى تاۋلىگىنە 400 مىڭ باررەل مۇناي وندىرە الماسا، وندا باعا باررەلىنە 100 دوللارعا دەيىن كوتەرىلىپ كەتۋى مۇمكىن» دەپ بولجايدى گلوۆەر.

Goldman Sachs Group Inc ساراپشىلارى دا مۇناي باعاسى 100 دوللارعا جەتەدى دەگەنگە سەنەدى. نارىق بۇل مەجەگە 2022 جىل­دىڭ ءۇشىنشى توقسانىندا جەتۋى بەك مۇمكىن. البەتتە، مۇناي باعا­سى­نىڭ قىم­بات­تاۋى ءبىز ءۇشىن ءپو­زي­تيۆتى جاڭالىق بولىپ سانا­لا­دى. FINANCEkaz تەلەگرام كا­ن­الىنىڭ جازۋىنشا، «قارا التىن» قۇ­نى­نىڭ 88 دوللاردان اسۋى تەڭگەنى سەرگەك ۇستاۋعا سەبەپ بولادى.

«الپاري» كومپانياسىنىڭ اعا تال­داۋ­­شىسى اننا بودروۆانىڭ ايتۋىنشا، تەڭگە – شيكىزاتتىق ۆاليۋتا، سوندىقتان ونىڭ مۇناي نارى­عىنداعى وزگەرىسكە ەلەڭ ەت­پەۋى مۇمكىن ەمەس.

«باعا نەلىكتەن بۇلاي كۇرت ءوستى؟ بىرىن­شىدەن، ينۆەستورلار ەنەرگيا تاسى­مال­­داۋشىلارعا تۇ­راق­تى سۇرانىستىڭ بو­لارىنا سەنىمدى. Reuters اتاپ وتكەندەي، اي­دىڭ باسىندا حەدج-قورلار مەن باسقارۋشى كومپانيالار مۇناي بويىنشا ۇزاق پوزيتسيالار كولەمىن بەلسەندى تۇردە كەڭەيتتى، ويتكەنى ەنەرگيا تاسىمالداۋ كە­زىن­دە فيزيكالىق تاپشىلىقتى كوردى. ەكىنشىدەن، قارا التىنداعى تەحنيكالىق سيگنالدار ءبىر ءماندى جانە ساتىپ الۋدىڭ ءارى قاراي جالعاساتىنىن كورسەتەدى. سوڭعى تاۋلىكتە امەريكالىق دوللار الەم­دىك ۆاليۋتا نارىعىنداعى پوزيتسياسىن قالپىنا كەلتىرىپ، سالىستىرمالى تەپە-تەڭدىكتى ۇستادى. بۇل تەڭگە ءۇشىن نەيترالدى جاڭالىق. جاقىن ارادا دوللار 433-435 تەڭ­گە دالىزىندە قوزعالۋى مۇمكىن» دەي­دى ساراپشى.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار