– بەيبىت ۋاقىتتا ءبىزدىڭ جاۋىنگەرلەرىمىزدىڭ ءولىمى بارلىعىمىز ءۇشىن ۇلكەن قايعى بولدى. ءبىز وتان قورعاۋشىلارىنىڭ, ءومىرىنىڭ سوڭىنا دەيىن زاڭعا جانە قازاقستان حالقىنا قىزمەت ەتكەندەردىڭ بارلىعىنىڭ ەسىمدەرىن ءاردايىم ەستە ساقتايتىن بولامىز. ءبىز ءۇشىن ايبات پەن ماديار ماڭگى ەرلىك پەن ابىرويدىڭ ۇلگىسى بولىپ قالا بەرەدى. ولاردىڭ ەسىمدەرى قازاقستان رەسپۋبليكاسى ۇلتتىق ۇلانىنىڭ ەرلىك شەجىرەسىنە وشپەستەي جازىلادى, – دەدى ءراسىم بارىسىندا ءوڭىر باسشىسى.
سونىمەن بىرگە وبلىس اكىمى جەڭىس قاسىمبەك, ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور الىبەك سەراليەۆ جانە ۇلتتىق ۇلاننىڭ «ورتالىق» وڭىرلىك قولباسشىلىعىنىڭ قولباسشىسى پولكوۆنيك ساكەنتاي شەكاربەكوۆ لايىقتى ۇرپاق تاربيەلەگەنى ءۇشىن قازا تاپقان ساربازداردىڭ اتا-انالارىنا العىس سەزىمىن جەتكىزدى.
ناگرادادان بولەك ۇلتتىق ۇلاننىڭ «ورتالىق» وڭىرلىك قولباسشىلىعىنىڭ اسكەري قىزمەتشىلەرى اتىنان قازا تاپقان ساربازدىڭ تۋىستارىنا 7 ملن تەڭگەدەن تابىس ەتىلدى.
ەسكە سالا كەتەر بولساق, قازا تاپقان ساربازداردىڭ ءبىرى ايبات امانوۆ جاڭاارقا اۋدانىنداعى اتاسۋ كەنتىندە دۇنيەگە كەلگەن. ون سەگىز جاستاعى ۇلان تالدىقورعان قالاسىنداعى №5514 اسكەري بولىمدە قىزمەت ەتتى. ال قاراعاندى قالاسىنىڭ تۋماسى ماديار قايساروۆ قىزىلوردا قالاسىندا «وڭتۇستىك» وڭىرلىك قولباسشىلىعىنا قاراستى №5547 اسكەري بولىمدە اسكەري بورىشىن وتەپ جۇرگەن بولاتىن.
قاراعاندى وبلىسى
