– مۇنداي شارانى ءبىز العاش بىلتىر كوكتەمدە وتكىزىپ كورگەنبىز. بىراق ول جولى ادەبي مارافونعا جاسوسپىرىمدەر عانا قاتىستى. بالالار پاۋلو كوەلونىڭ, دجەروم سەليندجەردىڭ, ماريام پەتروسياننىڭ شىعارمالارىن وقىدى. بىلتىر شاراعا قاتىسۋشىلار سانى كوپ بولمادى. ويتكەنى ءبىز تىكەلەي ەفير ارقىلى الەۋمەتتىك جەلىلەرگە شىعىپ, مارافوندى ونلاين تۇرىندە دە وتكىزدىك. بيىلعى وقىرماندار مارافونىنا كەز كەلگەن جاستاعى تۇرعىندار قاتىسا الادى. بۇل جولى ءسال وزگەشەلەۋ تۇردە وتكىزگىمىز كەلەدى. ەگەر ەپيدەميالىق احۋال مۇمكىندىك بەرسە, شارانىڭ سوڭىن اۋقىمدى پىكىر الىسۋ جيىنىمەن قورىتىندىلاماق ويدامىز. جيىندا ايتىلعان وي-پىكىرلەردىڭ ءبارى كىتاپحانانىڭ سايتىندا جاريالاناتىن بولادى, – دەيدى كىتاپحانا قىزمەتكەرى تاتيانا تيحوميروۆا.
وقۋعا ۇسىنىلاتىن كوركەم شىعارمالار رومانتيزمنەن باستاپ پوستمودەرنيزمگە دەيىنگى ءار الۋان ادەبي داۋىرلەردى قامتيدى. تاقىرىپ تۇرعىسىنان دا, جانرى جاعىنان دا ءار الۋان. ماسەلەن, بيىلعى مارافوندا وقىلاتىن كىتاپتاردىڭ ىشىندە ەرنەست حەمينگۋەيدىڭ «شال مەن تەڭىزى», فرانتس كافكانىڭ «پروتسەسس» رومانى, ميحايل بۋلگاكوۆتىڭ «جاس دارىگەردىڭ جازبالارى», ۆيكتور پەلەۆيننىڭ «ومون را» رومانى, سەرگەي دوۆلاتوۆتىڭ «چەمودان» اڭگىمەلەر جيناعى بار. وقىرماندار كىتاپحاناعا كەلىپ, اتالعان كىتاپتاردىڭ ىشىنەن بىرەۋىن تاڭداپ العان سوڭ, شىعارمانى ءبىر ايدىڭ ىشىندە وقىپ شىعۋى ءتيىس.
كىتاپحانا ۇجىمى اتالعان شارالاردى ءجيى ۇيىمداستىرۋ ارقىلى كوپشىلىكتىڭ كوركەم ادەبيەتكە دەگەن قىزىعۋشىلىعىن وياتىپ, كىتاپحانا قابىرعاسىندا وقىرماندار كلۋبىن جانداندىرعىسى كەلەدى. مارافون ءبىر ايعا سوزىلادى. تاتيانا تيحوميروۆانىڭ ايتۋىنشا, قازىردىڭ وزىندە كىتاپحانادان وقىرماندار مارافونىنا قاتىسامىن دەپ كەلگەن وتىز شاقتى ادام كىتاپ الىپ كەتكەن.
قوستاناي وبلىسى
