پرەزيدەنت • 20 قاڭتار، 2022

مەملەكەت باسشىسى تولەۋبەك ارالبايدىڭ تۋىستارىنا كوڭىل ايتتى

59 رەت كورسەتىلدى

مەملەكەت باسشىسى قازاقستاننىڭ ەڭبەك سىڭىرگەن ءارتىسى تولەۋبەك ارالبايدىڭ تۋىستارىنا كوڭىل ايتۋ جەدەلحاتىن جولدادى. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي جەلىدەگى پاراقشاسىندا جازدى، دەپ حابارلايدى Egemen.kz.

قاسىم-جومارت توقاەۆ تەاتر جانە كينو اكتەرى، قازاقستاننىڭ ەڭبەك سىڭىرگەن ءارتىسى تولەۋبەك مۇحامەدجان ۇلى ارالبايدىڭ دۇنيەدەن وتۋىنە بايلانىستى ونىڭ جاقىندارى مەن تۋىستارىنا كوڭىل ايتتى.

«تولەۋبەك مۇحامەدجان ۇلى قازاق ونەرىنىڭ قارا شاڭىراعى م.اۋەزوۆ اتىنداعى اكادەميالىق دراما تەاترىندا ۇزاق جىلدار قاجىرلى ەڭبەك ەتتى. وتاندىق كينو مەن تەلەسەريالداردىڭ ءسانىن كىرگىزىپ، اكتەرلىك شەبەرلىگىمەن كورەرمەندەر كوزايىمىنا اينالدى. ۇستاز رەتىندە كوپتەگەن تالانتتاردىڭ جولىن اشتى. تەاتر جانە كينو ونەرىن وركەندەتۋگە مول ۇلەس قوسقان تولەۋبەك مۇحامەدجان ۇلىنىڭ جارقىن بەينەسى ۇمىتىلمايدى. مارقۇمنىڭ يمانى سالامات، جانى ءجانناتتا بولسىن»، دەلىنگەن جەدەلحاتتا.



 

سوڭعى جاڭالىقتار

ۇقساس جاڭالىقتار