قوعام • 20 قاڭتار، 2022

ساراپشىلار NEET ساناتىنداعى جاستاردىڭ ماسەلەلەرىن تالقىلادى

«NEET جاستارى: الەۋمەتتەنۋ ماسەلەلەرى جانە ولاردى شەشۋ جولدارى» تاقىرىبىمەن «Jastar: ózekti másele» ساراپتامالىق پلاتفورماسىنىڭ وتىرىسى ءوتتى، دەپ حابارلايدى Egemen.kz.

گاۋھار قاپاش

تالقىلاۋعا قر پارلامەنتى ءماجىلىسىنىڭ دەپۋتاتى، ورتالىق جانە جەرگىلىكتى اتقارۋشى ورگانداردىڭ وكىلدەرى، رەسپۋبليكالىق جاستار ۇيىمدارىنىڭ باسشىلارى، ساراپشىلار مەن عىلىمي قوعامداستىقتىڭ، سونداي-اق ۇەۇ وكىلدەرى قاتىستى.

اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ ەلىمىزدىڭ جاس ازاماتتارىنىڭ ءال-اۋقاتىن جاقسارتۋ جونىندەگى باعىت جالعاسا بەرەتىنىن، سونداي-اق NEET ساناتىنداعى جاستاردى الەۋمەتتەندىرۋ جونىندەگى مۇددەلى ورگاندار اراسىنداعى ۇيلەستىرىلگەن ساياسات يمپلەمەنتاتسيالاناتىنىن اتاپ ءوتتى.

پىكىرسايىس بارىسىندا قر پارلامەنتى ءماجىلىسىنىڭ دەپۋتاتى ۆەرا كيم جاستاردىڭ قازىرگى ماسەلەلەرى مەن قاجەتتىلىكتەرىنە نازار اۋداردى. دەپۋتات جاس ازاماتتاردىڭ پروبلەمالارى قاڭتاردا ورىن العان الەۋمەتتىك-ەكونوميكالىق وقيعالار مەن جالعاسىپ جاتقان پاندەميا جاعدايىندا شيەلەنىسىپ جاتقانىن ايتتى.

ال «جاستار» عزو-نىڭ الەۋمەتتانۋ زەرتتەۋلەرى جانە بولجاۋ باسقارماسىنىڭ باسشىسى ەۆگەنيا رۋدنەۆا الەۋمەتتانۋ زەرتتەۋلەرىنىڭ اكتۋال ناتيجەلەرىن ۇسىنىپ، جاستاردى الەۋمەتتەندىرۋ ماسەلەلەرىنە ەگجەي-تەگجەيلى توقتالىپ ءوتتى.

بۇۇ بالالار قورىنىڭ (يۋنيسەف) جاسوسپىرىمدەر مەن جاستاردى دامىتۋ باعدارلامالارىنىڭ ۇيلەستىرۋشىسى ايگۇل ءشارىپوۆا قازىرگى ۋاقىتتىڭ ديدجيتاليزاتسيا مەن تسيفرلاندىرۋدىڭ جوعارى دەڭگەيىنە بايلانىستى وزىندىك ەرەكشەلىكتەر بار ەكەندىگىنە نازار اۋداردى. ونىڭ ايتۋىنشا جاستاردىڭ ماسەلەلەرى مەن قاجەتتىلىكتەرىنە قاتىستى جاڭا يننوۆاتسيالىق تاسىلدەر قاجەت.

ساراپتامالىق الاڭدا «التەرناتيۆا» وزەكتى زەرتتەۋلەر ورتالىعىنىڭ ديرەكتورى چەبوتارەۆ اندرەي جانە جاستار قىزمەتكەرلەرى قوعامداستىعى كەڭەسىنىڭ توراعاسى ناۋرىزباەۆ نۇرلىباي دا ءوز پىكىرلەرىن ءبىلدىردى.

«Jastar: ózekti másele» ساراپتاما الاڭى وتىرىسىنىڭ قورىتىندىسى بويىنشا مەملەكەتتىك جاستار ساياساتى سالاسىن جەتىلدىرۋگە باعىتتالعان ۇسىنىمدار ءتىزىمى قالىپتاستىرىلدى.

ساراپشىلاردىڭ بارلىق ۇسىنىسى جاستار ساياساتى سالاسىنداعى قۇجاتتاردى ازىرلەۋدە قارالاتىن جانە ەسكەرىلەتىن بولادى.

ءىس-شارا قر اقدم جاستار جانە وتباسى ىستەرى كوميتەتنىڭ قولداۋىمەن بارلىق سانيتاريا-ەپيدەميولوگيا نورمالارىن ساقتاي وتىرىپ، ونلاين فورماتتا «جاستار» ۇلتتىق-زەرتتەۋلىك ورتالىعى ۇيىمداستىردى.