2021 جىلى كادرلاردى دايارلاۋعا ارنالعان مەملەكەتتىك ءبىلىم بەرۋ تاپسىرىسى 5 مىڭعا, ياعني 51 مىڭنان 56 مىڭ گرانتقا دەيىن كوبەيتىلگەن. جاڭا گرانتتار ستۋدەنتتەر اراسىندا سۇرانىسقا يە جانە وزەكتى ماماندىقتارعا بولىنەتىن بولادى.
جالپى, مەملەكەت باسشىسىنىڭ تاپسىرماسى بويىنشا جوعارى ءبىلىمنىڭ قولجەتىمدىلىگىن ارتتىرۋ ءۇشىن 2025 جىلعا دەيىن ءبىلىم گرانتتارىنىڭ سانى كەزەڭ-كەزەڭىمەن تاعى دا 15 مىڭعا ارتادى. سونداي-اق ءبىلىم بەرۋ گرانتتارىن ءبولۋ كەزىندە ازاماتتاردىڭ الەۋمەتتىك وسال ساناتتارى ءۇشىن كۆوتالار كوزدەلگەن.
«وسىلايشا, پرەزيدەنتتىڭ قولداۋىنىڭ ارقاسىندا بيۋدجەت ەسەبىنەن وقۋعا مۇمكىندىك العان قازاقستاندىق مەكتەپ تۇلەكتەرىنىڭ سانى ارتتى. مىسالى, وتكەن جىلى بىزگە 75 مىڭنان استام ءوتىنىم ءتۇستى. ونىڭ ىشىندە 56 مىڭنان استام تالاپكەر گرانت الدى. بيىل گرانتتار سانى 61 مىڭعا جەتەدى. مەملەكەت باسشىسىنىڭ تاپسىرماسى بويىنشا حالىقتىڭ الەۋمەتتىك وسال توپتارىنان شىققان بالالار ءۇشىن كۆوتالار سانىن ۇلعايتتىق. ياعني, كوپبالالى نەمەسە تولىق ەمەس وتباسىلاردان شىققان بالالار, سونداي-اق وتباسىلارىندا ەرەكشە قاجەتتىلىكتەرى بار بالالاردى تاربيەلەپ وتىرعان تالاپكەرلەر گرانت الۋ ءۇشىن الدەقايدا كوپ مۇمكىندىكتەرگە يە بولادى», دەدى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
