قىزمەتتىڭ قوسىمشا تۇرلەرىمەن اينالىسۋعا رۇقسات بەرىلدى

بۇل سىرتقى ەكونوميكالىق بايلانىستاردى جانداندىرۋ، ەكونوميكانى قولداۋ جانە وڭىرلەردىڭ الەۋمەتتىك پروبلەمالارىن شەشۋ، ارنايى ەكونوميكالىق ايماقتاردىڭ (بۇدان ءارى – اەا) جۇمىسىنا ينۆەستيتسيالار، تەحنولوگيالار مەن قازىرگى زامانعى مەنەدجمەنتتى تارتۋ ءۇشىن جاسالدى.

وتكەن جىلى «اقتاۋ تەڭىز پورتى» ارنايى ايماعىنىڭ قىزمەت تۇرلەرى كەڭەيتىلدى. ەندى اتالعان اەا مىناداي جوبالارمەن اينالىسا الادى:

جىلۋ ەلەكتر ستانتسيالارىمەن ەلەكتر ەنەرگياسىن ءوندىرۋ;

ەلەكتر ەنەرگياسىن بەرۋ جانە تاراتۋ;

تۇرعىن جانە تۇرعىن ەمەس عيماراتتار قۇرىلىسى;

قوناق ۇيلەر جانە تۇرۋعا ارنالعان ورىندار قىزمەتتەرىن ۇسىنۋ;

جەكە نەمەسە جالعا الىنعان جىلجىمايتىن م ۇلىكتى جالعا الۋ جانە باسقارۋ;

دەمالىس پەن ويىن-ساۋىقتى ۇيىمداستىرۋ بويىنشا قىزمەتتەر.

قارقىندى دامىپ كەلە جاتقان ايماقتاردىڭ ءبىرى – «سارىارقا» اەا. وندا دايىن مەتالل بۇيىمدارى مەن قۇرىلىس ماتەريالدارى: شارلى كراندار، جىلۋ وقشاۋلاعىش قۇبىرلار، وتقا ءتوزىمدى ماتەريالدار، جەزدەن جاسالعان بۇيىمدار، دىرىلگە جانە وتقا ءتوزىمدى بۇيىمدار شىعارىلادى.

ەندى «سارىارقا» اەا-دا ىستەن شىققان كولىك قۇرالدارىن، ارنايى تەحنيكا جانە اۋىل شارۋاشىلىعى ماشينالارىن، توڭازىتقىشتار مەن توڭازىتقىش جابدىقتارىن جيناپ، وڭدەپ جانە قالدىقتاردى جويىپ، قالپىنا كەلتىرۋگە بولادى.

«Qyzyljar» اەا قىزمەت تۇرلەرىنىڭ تولىقتىرىلعان تىزبەسىنە اعاش ماسساسى مەن تسەلليۋلوزا; قاعاز جانە كارتون; گوفروكارتون; قاعاز جانە كارتون ىدىسى; شارۋاشىلىق-تۇرمىستىق جانە سانيتارلىق-گيگيەنالىق ماقساتتاعى قاعاز بۇيىمدارى; فارماتسەۆتيكالىق ونىمدەر مەن پرەپاراتتار; ۆەتەرينارياعا ارنالعان دارىلىك پرەپاراتتار ءوندىرىسى كىردى.

قىزمەتتىڭ باسىم تۇرلەرىنىڭ تىزبەسى «TURKISTAN» اەا-دا دا كەڭەيتىلدى. وبەكتىلەرگە كەشەندى قىزمەت كورسەتۋ; اۋماقتاردى اباتتاندىرۋ قىزمەتتەرى; جيھاز بەن ينتەرەر زاتتارىن جوندەۋ; تاماقپەن جانە سۋسىندارمەن قامتاماسىز ەتۋ بويىنشا قىزمەت كورسەتۋ; ەلەكتروندىق جانە وپتيكالىق جابدىقتاردى جوندەۋ; باسقا توپتامالارعا ەنگىزىلمەگەن اقپاراتتىق تەحنولوگيالار مەن جۇيەلەر سالاسىنداعى وزگە دە قىزمەت تۇرلەرى قوسىلدى.

بۇدان باسقا «ۇلتتىق يندۋستريالىق مۇناي-حيميا تەحنوپاركى»، «اقتاۋ تەڭىز پورتى»، «سارىارقا»، «تاراز حيميالىق پاركى» جانە «پاۆلودار» اەا-دا  قىزمەت تۇرلەرى «كوپ بەيىندى اۋرۋحانا قۇرىلىسى جانە پايدالانۋعا بەرۋ» تارماعىمەن تولىقتىرىلدى.

سونىمەن قاتار، وتكەن جىلى بىرنەشە اەا اۋماعى ۇلعايتىلدى. «سارىارقا» اەا اۋدانى جىلۋ ەلەكتر ستانتسياسىن جانە فەرروقورىتپا مەن كوكس وندىرەتىن زاۋىتتار سالۋ ءۇشىن 345،5 گەكتارعا ۇلعايدى. «Qyzyljar» اەا-نا قاعاز جانە قاعاز ونىمدەرىن وندىرەتىن زاۋىت سالۋ ءۇشىن 15 گا قوسىلدى. «استانا - جاڭا قالا» اەا 83،7 گەكتارعا ۇلعايىپ، ونىڭ اۋماعىندا تەمىرجول ماشينا جاساۋ كلاستەرى قۇرىلدى. كەزىندە جەڭىلدىكتەر قۇرىلىس يندۋسترياسىنا قاتىسۋشىلاردى قىزىقتىرىپ، قىسقا مەرزىم ىشىندە كوپتەگەن تۇرعىن ۇيلەر جانە الەۋمەتتىك وبەكتىلەر سالىندى. ەلوردانىڭ سول جاعالاۋىندا جاڭا اكىمشىلىك-ىسكەرلىك جانە مادەني ورتالىق قۇرىلدى.

انىقتامالىق:

بۇگىنگى تاڭدا قازاقستاندا 13 اەا جۇمىس ىستەيدى. 2002 جىلدان باستاپ ولاردا 307 جوبا ىسكە اسىرىلىپ، 21 مىڭنان استام تۇراقتى جۇمىس ورنى اشىلدى. اەا-نىڭ ەرەكشە مارتەبەسىنىڭ ارقاسىندا كاسىپورىنداردا 30-دان استام جاڭا ءونىم تۇرلەرى، ونىڭ ىشىندە وپتيكالىق قۇرىلعىلار، تۇندە كورۋ اسپاپتارى، برونەترانسپورتەرلەر، لوكوموتيۆتەر، جولاۋشىلار ۆاگوندارى، پرەميۋم-كلاستى قۇبىرلار، ماقتا تسەلليۋلوزاسى، پوليپروپيلەن جىپتەر جانە ت. ب. شىعارۋ جولعا قويىلدى.

اەا قاتىسۋشىلارى ءۇشىن بيزنەستى مەملەكەتتىك قولداۋ تۇرىندە بىرقاتار جەڭىلدىكتەر جاسالدى. اتاپ ايتقاندا، رەزيدەنتتەر كورپوراتيۆتىك، جەر جانە م ۇلىك سالىعىن تولەمەيدى. اەا اۋماعىندا ساتىلاتىن تاۋارلار ءۇشىن قوسىمشا قۇن سالىعىنىڭ (ققس) مولشەرلەمەسى 0-گە تەڭ. جەر ۋچاسكەلەرىنە بارلىق قاجەتتى ينفراقۇرىلىم تارتىلادى. ۋچاسكەلەر اەا رەجيمىنىڭ بارلىق كەزەڭىنە تەگىن بەرىلەدى. قاتىسۋشىلار جالداۋ جانە جەر سالىعىن تولەۋدەن بوساتىلدى.