كەشەندى جوسپار – تۇراقتىلىق كەپىلى

تەجەمەسە، ينفلياتسيا يىلمەيدى

قاراعاندى وبلىسىندا ينفلياتسيانى اۋىزدىقتاۋ بويىنشا امال-ارەكەتتىڭ الۋان ءتۇرى ىسكە اسىرىلىپ جاتىر. بۇل باعىتتا تۇراقتاندىرۋ قورىنداعى ونىم­دەر­دىڭ ينتەرۆەنتسياسى، ىشكى نا­رىق­تى وتاندىق ازىق-ت ۇلىكپەن قا­نىقتىرۋ اسا ماڭىزدى ءرول وي­نايدى. مىسالى، ەكونوميكا باسقارماسىنىڭ مالىمەتى بو­يىنشا، 2021 جىلدىڭ جەلتوقسان ايىندا وبلىستاعى تۇتىنۋ باعالارىنىڭ يندەكسى 108،5%-دى قۇراعان. ال اۋىل شارۋاشىلىعى باسقارماسىنىڭ باسشىسى اسقار ساناۋباروۆ تۇراقتاندىرۋ قو­رىن­دا 291،6 توننا ءونىم، ونىڭ ىشىندە 41،2 توننا قاراقۇمىق، 200،4 توننا قانت جانە 50 مىڭ ليتر كۇنباعىس مايى بار ەكەنىن ءمالىم ەتتى. بۇل ونىمدەردى جانە كارتوپ، ءسابىز، قىرىققابات سياقتى كوكونىس تۇرلەرىن قوسىمشا ساتىپ الۋ جوسپاردا بار. بۇدان بولەك، «سارىارقا» اكك-ءتىڭ كاسىپكەرلەرگە جەڭىلدىكپەن قارىز بەرۋى ارقىلى كوكونىستەر ساۋدا نۇكتەلەرىنە بەلگىلەنگەن باعامەن جەتكىزىلەتىن بولادى.

وبلىس اكىمى جەڭىس قاسىمبەك باعانىڭ نەگىزسىز وسۋىنە جول بەرمەۋ بويىنشا جۇمىستىڭ جالعاسىن تاباتىنىن ايتادى.

– بىزدە ينفلياتسيالىق پرو­تسەس­تەر­دى تەجەۋ جونىندەگى كەشەندى جوسپار جۇمىس ىستەيدى. ول مەم­لەكەت باسشىسىنىڭ جاڭا تاپسىرمالارىن ەسكەرە وتىرىپ، تۇزەتۋدى جانە وزەكتەندىرۋدى قاجەت ەتەدى. ىشكى نارىقتى وتاندىق ازىق-ت ۇلىك تاۋارلارىمەن تولىقتىرۋ جۇ­مىستارىن جالعاستىرۋ قاجەت، – دەيدى ول.

جالپى، وبلىستا باعانى تۇ­راق­­تاندىرۋ بويىنشا مەمو­ران­­دۋمدارعا سايكەس اۋىل­شارۋا­­شى­­لىق تاۋار وندىرۋشىلەرى تۇراقتاندىرۋ قورىنا 5 100 توننا كارتوپ جانە 1 800 توننا كوكونىس ءتۇرىن جەتكىزۋگە مىندەتتەلگەن. ال جەرگىلىكتى قۇس فابريكالارى مەموراندۋم بويىنشا جۇمىرتقانى بەلگىلەنگەن باعامەن ساۋداعا شى­عا­رادى.

الەۋمەتتىك ۇن مەن نان باعا­سىن تۇراقتاندىرۋ ءۇشىن استىق­تىڭ رەزەرۆتىك قورى پايدالانىلادى. وبلىستىق كاسىپكەرلىك باس­قار­ماسىنىڭ باسشىسى تاتيانا ابلاەۆا قويمالاردا با­كا­­لەيا ونىمدەرىنىڭ ءبىر ايدان استام ۋا­قىت­قا جەتەتىن قورى بار ەكە­نىن اي­تادى.

وڭىردە جانار-جاعارماي مەن اۆتوگاز تاپشىلىعى جوق دەپ سە­نىمدى تۇردە ايتۋعا بولادى. سو­نى­مەن قاتار وبلىستا باللون گازىن ساتاتىن فيرمالارمەن با­عا­نى تومەندەتۋ تۋرالى ۋاع­دا­لاس­تىققا قول جەتكىزىلگەن.

41 مىڭ تۇرعىن جۇمىسقا تۇرادى

بيىل قاراعاندى وبلىسىندا ۇلتتىق جوبالار اياسىندا 25 148 جۇمىس ورنى قۇرىلىپ، ءوڭىردىڭ 41 مىڭ تۇرعىنى ەڭبەك ەتىپ، ناپاقا ايىرۋ مۇمكىندىگىنە يە بولادى. مىسالى، «جاستار تاجىريبەسى» باعدارلاماسى بويىنشا 721 تۇلەك جۇمىسقا ورنالاسسا، 2 959 ادام قوعامدىق جۇمىستارعا تارتىلادى دەگەن جوسپار بار. بۇدان بولەك، وڭىردە حالىقتىڭ وسال توپتارى ءۇشىن، ناقتى ايتقاندا 300-گە تارتا ادامعا ارنالعان الەۋ­مەتتىك جۇمىس ورىندارى قۇ­رى­لادى. العاشقى جۇمىس ورنى 238 ۇمىتكەرگە ۇسىنىلماق.

وبلىستىق جۇمىسپەن قامتۋ­دى ۇيلەستىرۋ جانە الەۋ­مەتتىك باع­دارلامالار باسقارماسى باس­شى­­سىنىڭ ورىنباسارى تولەۋ مۇحتار ناتيجەلى جۇمىس­پەن قام­تۋدى جانە جاپپاي كاسىپ­كەر­لىكتى دامىتۋدىڭ «ەڭبەك» مەم­لە­كەتتىك باعدارلاماسى بويىنشا «ۇرپاقتار كەلىسىمشارتى» جوبا­سى­نىڭ دا جۇمىس ىستەي باستايتىنىن اتاپ ءوتتى.

– بۇل – زەينەتكەرلىك جاسقا جەتسە دە، ەڭبەك ەتىپ جۇرگەن قىز­مەت­كەردى كەيىننەن اۋىستىرا وتى­رىپ، جۇمىسقا ورنالاستىرۋ. وسى جوبا اياسىندا وڭىردە بيىل 34 ادام جۇمىسقا ورنالاسادى. زەينەت جاسىنا دەيىنگى ادامداردى جۇمىسقا ورنالاستىرۋ ءۇشىن «كۇمىس جاس» جوباسىن ەنگىزۋ 534 ادامدى جۇمىسپەن قامتۋعا مۇم­كىن­دىك بەرەدى. سونداي-اق وڭىردە حالىقتىڭ الەۋمەتتىك وسال توپتارىنان شىققان جاستار اراسىندا كونكۋرستىق نەگىزدە گرانتتار ويناتىلدى. بۇل بويىنشا بارلىعى 755 گرانت قاراستىرىلعان، – دەپ اتاپ ءوتتى ت.مۇحتار.

كاسىپكەرلىك بەلسەندىلىكتى ارت­­تىرۋ ءۇشىن 1 250 ادامدى بيز­نەس نەگىزدەرىنە وقىتۋ جوس­پار­لان­عان. ولارعا 433 ميكروكرە­ديت بەرىلەتىن بولادى. بۇگىن­دە ەلەكتروندى ەڭبەك بيرجاسىندا 4 188 بوس جۇمىس ورنى ورنا­لاس­تى­رىلعان.

– بوس جۇمىس ورىندارىن تاڭداۋ ءۇشىن جۇمىسسىز ادام ءوزى Enbek.kz پورتالىنا كىرە الادى. سون­داي-اق ولاردىڭ قالالار مەن اۋدانداردىڭ حالىقتى جۇمىسپەن قامتۋ ورتالىقتارى ارقىلى نەمەسە كەنتتەر مەن اۋىلدىق وكرۋگ­تەردىڭ اكىمدىكتەرىنەن بوس ورىن­دار تۋرالى اقپارات الۋىنا مۇم­كىن­دىگى بار، – دەيدى تولەۋ مۇحتار.

قاراعاندى وبلىسى