وقيعا • 19 قاڭتار، 2022

جۇكتى ايەلىن ءولتىرىپ، پوليتسەيلەردى الداماق بولعان

55 رەت كورسەتىلدى

پاۆلودار وبلىسىندا اۋىل تۇرعىنى جۇكتى ايەلىن ءولتىرىپ الىپ، جازادان قۇتىلۋ ءۇشىن جازاتايىم وقيعا ويلاستىرعان، دەپ حابارلايدى Egemen.kz Polisia.kz سايتىنا سىلتەمە جاساپ.

باسىلىم مالىمەتىنشە، 2021 جىلى ساۋىردە پاۆلودار وبلىسى ۋسپەن اۋدانى پوليتسياسىنا كونستانتينوۆكا امبۋلاتورياسى قىزمەتكەرىنەن اۋىلداعى ۇيلەردىڭ بىرىنەن جۇكتى ايەل ءولى تابىلعانى تۋرالى حابارلاما كەلىپ تۇسكەن.

«كورسەتىلگەن مەكەنجايعا كەلگەن پوليتسيا قىزمەتكەرلەرى وقيعا ورنىن تەكسەرە كەلە، ايەلدى ولتىرگەن بولۋى مۇمكىن دەگەن بولجام جاسادى. بۇل ءىس تەرگەۋ پوليتسيا ءبولىمى باستىعىنىڭ ورىنباسارى اسقار ارالباەۆقا جانە اعا تەرگەۋشى ماقسات دۇيسەمباەۆقا تاپسىرىلدى. ولار وقيعانى مۇقيات زەرتتەپ، كۋاگەرلەردەن جاۋاپ الدى»، دەدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى وكىلدەرى.

جاۋاپ الۋ كەزىندە مارقۇمنىڭ اناسى تاڭەرتەڭ كۇيەۋ بالاسى «ساعان نە بولدى؟» دەپ ايعايلاپ جاتقانىنان ويانعانىن ايتقان. كورشى بولمەدەن جۇگىرىپ كەلگەن اناسى قىزىنىڭ ەدەندە جاتقانىن كورگەن. دارىگەرلەر كەلگەندە ەر ادام ايەلى اۋىرىپ قالعانىن، ەنتىگىپ، ەدەنگە قۇلاعانىن ايتقان. سول كەزدە ءوزى ايەلگە العاشقى كومەك كورسەتكەن، دەپ جازدى Polisia.kz سايتى.

تەرگەۋ بارىسىندا پوليتسەيلەر بولمە ەدەنىن اشقان. اعاش تاقتايلاردا قان ءىزى، سونداي-اق قۇرامىندا حلور بار زاتتىڭ ەرىتىندىسى تابىلعان. 

«قاجەتتى دالەلدەمەلەردى جيناۋ، سونداي-اق جۇرگىزىلگەن ساراپتامالار بارىسىندا پوليتسيا قىزمەتكەرلەرى وقيعانىڭ ءمان-جايىن انىقتادى. تۇندە ەرلى-زايىپتىلار اراسىندا قىزعانىش نەگىزىندە جانجال شىققان. سول كەزدە ەر ادام جۇكتى ايەلىن تۇنشىقتىرىپ ولتىرگەن. سودان كەيىن ول قىلمىستىڭ ءىزىن جويا باستاعان، قان داقتارىن تازالاپ، جازادان قۇتىلۋ ءۇشىن وتباسى مەن پوليتسيا قىزمەتكەرلەرىن شاتاستىرماقشى بولعان. بارلىق قاجەتتى تەرگەۋ شارالارى جۇرگىزىلىپ، ەر ادامنىڭ كىناسى دالەلدەندى»، دەدى پوليتسيا دەپارتامەنتىنىڭ ءباسپاسوز قىزمەتى وكىلدەرى.

ەر ادامعا قر قىلمىستىق كودەكسىنىڭ 99-بابى 2-بولىگىنە سايكەس 20 جىلعا باس بوستاندىعىنان ايىرۋ جازاسى تاعايىندالعان. ايەلدىڭ ارتىندا ەكى بالاسى قالدى.

 

 

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار