بۇل قىزىلوردا وبلىسىنىڭ باس مەملەكەتتىك سانيتاريا دارىگەرىنىڭ 2022 جىلعى 19 قاڭتاردا شىققان №2 قاۋلىسىندا كورسەتىلگەن.
قاۋلىعا سايكەس Ashyq جوباسىنا قاتىسۋىنا قاراماستان كينوتەاترلاردىڭ قىزمەتىنە سالىنعان شەكتەۋ الىنىپ تاستالدى.
«ەپيدەميولوگيالىق احۋال تۇراقتانعانشا 600 وقۋشىعا دەيىنگى وبلىس جانە اۋدان ورتالىقتارىنداعى مەكتەپتەردى ءداستۇرلى فورماتتا وقىتۋ جوسپارلانىپ وتىر. ال وبلىس ورتالىعىنداعى 600 وقۋشىدان جوعارى مەكتەپتەر قاشىقتىقتان وقىتۋ فورماتىندا (اۋىلدىق جەرلەردەگى 600 وقۋشىدان جوعارى مەكتەپتەر - ءداستۇرلى فورماتتا) جۇرگىزىلەدى. ال جوعارى وقۋ ورىندارى جانە كوللەدجدەردىڭ بارلىق كۋرس ستۋدەنتتەرىنە ارالاس فورماتتا وقىتۋ قولدانىلادى. ناقتى ايتقاندا, بارلىق دارىستەر قاشىقتىقتان وقىتۋ فورماتىندا جۇرگىزىلسە, يكەمدى كەستە بويىنشا: تاجىريبەلىك, زەرتحانالىق, سەمينار ساباقتارى ءداستۇرلى فورماتتا جوسپارلانعان», دەدى قىزىلوردا وبلىستىق سانيتاريالىق-ەپيدەميولوگيالىق باقىلاۋ دەپاراتمەنتىنىڭ ءباسپاسوز حاتشىسى ايمان جاناحاەۆا.
قاۋلى 2022 جىلعى 19 قاڭتاردان باستاپ كۇشىنە ەنەدى.
