بەلگياعا جۇمىس ساپارى شەڭبەرىندە قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى بەلگيانىڭ ۆيتسە-پرەمەر-ءمينيسترى – سىرتقى ىستەر ءمينيسترى سوفي ۆيلمەس, ەۋرووداق پرەزيدەنتىنىڭ سىرتقى ساياسات جونىندەگى باس كەڭەسشىسى سايمون مورديۋ, ەۋروپالىق وداقتىڭ ادام قۇقىقتارى جونىندەگى ارنايى وكىلى يمون گيلمور, ەۋروپالىق سىرتقى ءىس-قيمىلدار قىزمەتىنىڭ باس حاتشىسى ستەفانو سانينو, سونداي-اق ەۋرووداقتىڭ ورتالىق ازيا بويىنشا ارنايى وكىلى تەرري حاكالامەن بولەك كەلىسسوزدەر جۇرگىزدى.
قازاقستان مەن ەۋروپالىق وداق ەكىجاقتى قاتىناستاردىڭ بارلىق سپەكترى بويىنشا ءوزارا ءتيىمدى, كوپجوسپارلى ىنتىماقتاستىقتى دامىتۋ نيەتىن راستادى. قازاقستان ءسىم باسشىسى م.تىلەۋبەردىنىڭ ەو جانە بەلگيا باسشىلىعىمەن كەلىسسوزدەرىنىڭ نەگىزگى تاقىرىبى وسىنداي بولدى. 2020 جىلعى ناۋرىزدا قول قويىلعان قازاقستان مەن ەۋرووداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىم قازاقستان-ەۋروپا قاتىناستارىنىڭ ساپالى جاڭا كەزەڭىن باستاۋعا مۇمكىندىك بەردى.
ەۋروپالىق سەرىكتەستەرمەن كەلىسسوزدەردىڭ باستى تاقىرىبى قازاقستان-ەۋروپالىق ترەگىندەگى ءوزارا ءىس-قيمىلدى جانداندىرۋ, سوڭعى قايعىلى وقيعالاردى ەسكەرە وتىرىپ, قازاقستانداعى اعىمداعى جاعداي, سونداي-اق قر پرەزيدەنتى قاسىم-جومارت توقاەۆتىڭ بريۋسسەلگە 2021 جىلعى 25-26 قاراشاداعى العاشقى رەسمي ساپارىنىڭ قورىتىندىلارىن ىسكە اسىرۋ جونىندەگى شارالاردى تالقىلاۋ بولدى.
مينيستر ەۋروپالىق سەرىكتەستەردى ەلدەگى ىشكى ساياسي جاعداي جانە ۇقشۇ بىتىمگەرشىلىك كۇشتەرىنىڭ قاتىسۋىمەن جۇرگىزىلگەن تەرروريزمگە قارسى وپەراتسيا جانە ولاردى قر-دان شىعارۋدىڭ اعىمداعى پروتسەسى تۋرالى ەگجەي-تەگجەيلى حاباردار ەتتى. تاۋەلسىزدىكتىڭ 30 جىلى ىشىندە قول جەتكىزىلگەن دەموكراتيالىق جەتىستىكتەر مەن قايتا قۇرۋلاردى ساقتاۋعا ەلدىڭ بەيىلدىلىگىن راستادى.
ي. گيلمور جانە ت. حاكالامەن كەزدەسۋلەردىڭ باستى تاقىرىبى ادام قۇقىقتارى مەن ايماقتىق قاۋىپسىزدىك ماسەلەلەرى بولدى. مينيستر سۇحباتتاستارىن قازاقستاندا جۇرگىزىلىپ جاتقان ساياسي رەفورمالاردىڭ نەگىزگى اسپەكتىلەرى تۋرالى حاباردار ەتتى.
تاراپتار ەلىمىزدەگى كەڭ اۋقىمدى رەفورمالارعا قولداۋ ءبىلدىرىپ, قازاقستان مەن ەو اراسىنداعى زاڭ ۇستەمدىگى جانە جالپى قازاقستاندىق-ەۋروپالىق ارىپتەستىكتى نىعايتۋ ءۇشىن دەموكراتيالاندىرۋ ماسەلەلەرىندەگى سىندارلى ديالوگتىڭ ماڭىزدىلىعىن اتاپ ءوتتى.
ءمينيستردىڭ ەۋروپالىق كەڭەس پرەزيدەنتىنىڭ سىرتقى ساياسات جونىندەگى باس كەڭەسشىسى س.مورديۋمەن, سونداي-اق بەلگيالىق ۆيزاۆيمەن كەلىسسوزدەرى بارىسىندا قر پرەزيدەنتىنىڭ بريۋسسەلگە رەسمي ساپارى جانە ونىڭ كورول فيليپ جانە پرەمەر-مينيستر الەكساندر دە كرومەن كەلىسسوزدەرى بارىسىندا قول جەتكىزىلگەن ۋاعدالاستىقتار تالقىلاندى.
حالىقارالىق ماسەلەلەر بويىنشا پىكىر الماسۋ بارىسىندا بۇۇ, ەقىۇ جانە باسقا دا كوپجاقتى قۇرىلىمدار اياسىنداعى ءوزارا ءىس-قيمىل تالقىلاندى. كەلىسسوزدەردىڭ كۇن تارتىبىنە وڭىرلىك ماسەلەلەر, سونىڭ ىشىندە اۋعانستانداعى جاعداي, ورتالىق ازيا ەلدەرىمەن ىنتىماقتاستىق جانە سۋ رەسۋرستارىن باسقارۋ ماسەلەسى كىردى.
ساپار اياسىندا مينيستر م.تىلەۋبەردى ەۋروپالىق باق ءۇشىن قازاقستانداعى قازىرگى جاعداي تۋرالى, سونداي-اق مەملەكەت باسشىسىنىڭ ەلىمىزدىڭ ودان ءارى دامۋى جونىندەگى جاڭا رەفورمالارى تۋرالى ءباسپاسوز كونفەرەنتسياسىن وتكىزدى.
بريۋسسەلدە بولعان كەزدە قازاقستان ءسىم باسشىسى م.تىلەۋبەردى فرانتسيانىڭ سىرتقى ىستەر ءمينيسترى جان-يۆ لە دريانمەن تەلەفون ارقىلى سويلەستى. فرانتسيانىڭ ەۋروپالىق وداق كەڭەسىندەگى اعىمداعى توراعالىعىن ەسكەرە وتىرىپ, تاراپتار ءۇ.ج. ساۋىردە قر-ەو ىنتىماقتاستىق كەڭەسىنىڭ كەزەكتى وتىرىسىن وتكىزۋ تۋرالى كەلىستى.
