ايماقتار • 19 قاڭتار، 2022

ەرلىك ەسكەرۋسىز قالمايدى

50 رەت كورسەتىلدى

پرەزيدەنت قاسىم-جومارت توقاەۆتىڭ جارلىعىمەن ەلىمىزدەگى جاپپاي تارتىپسىزدىك كەزىندە قازا تاپقان قۇقىق قورعاۋ سالاسىنىڭ قىزمەتكەرلەرى مەن اسكەريلەر مەملەكەتتىك ناگرادالارمەن ماراپاتتالعان بولاتىن. وپات بولعان ەرلەر قايتالانباس ەرلىگىمەن ماڭگى ەل ەسىندە. ولاردىڭ قاتارىندا تاراز قالالىق پوليتسيا باسقارماسى 1-ءبولىمىنىڭ ۋچاسكەلىك ينسپەكتورى، پوليتسيا كاپيتانى راحات سلانبەكوۆ تە بار.

ۇلتتىق ۇلاننىڭ 5513 اس­كەري بولىمىندە قارالى قاڭ­تار وقيعاسىندا قازا تاپقان راحات سلانبەكوۆتى ەسكە الۋ شاراسى ءوتتى. جيىنعا باتىر­دىڭ وتباسى مەن تۋعان-تۋىس­تارى قاتىستى. مەملەكەت باسشى­سىنىڭ تاپسىرماسىنا وراي، وبلىس اكىمى ب.ساپارباەۆ ءىى دارەجەلى «ايبىن» وردەنىن باتىردىڭ اناسىنا تابىس ەتتى. سونىمەن قاتار مارقۇمنىڭ وتباسىنا ءۇش بولمەلى پاتەر بەرىلدى. ب.ساپارباەۆ ءوز سو­زىن­دە مەملەكەت باسشىسى ەل تى­نىشتىعىن كۇزەتۋ جولىندا، قاسكويلەرگە قارسى كۇرەستە وپات بولعان باتىرلاردى ءتۇرلى مەملەكەتتىك ناگرادالارمەن ماراپاتتاپ، مارقۇمداردىڭ وتباسىلارىنا قاجەتتى كومەكتەر كورسەتۋدى تاپسىرعانىن اتاپ ءوتتى. «ب ۇلىكشىلەردىڭ قولىنان قازا تاپقان راحاتتىڭ ەرلىگى مەن ورلىگى ءوزىنىڭ ارىپتەستەرىنە، كەيىنگى جاس ۇرپاققا ۇلگى-ونەگە. ول قىزمەتتىك مىندەتىن ابىرويلى، ادال اتقارا وتىرىپ، ءوزىنىڭ ناعىز پاتريوت، ەلجاندى ەر ازامات ەكەنىن دالەلدەپ كەتتى. ەلدىڭ اماندىعى، بەيبىت تۇرعىنداردىڭ تىنىشتىعى جولىندا ءوزىن قۇربان ەتتى. راحات سەكىلدى باتىر ۇلانداردىڭ ەسىمىن ەلى ەشقاشان ۇمىتپايدى»، دەدى وبلىس اكىمى.

ال راحات سلانبەكوۆتىڭ اناسى ۇلبوسىن جاپاروۆا وتان ءۇشىن وپات بولعان ۇلىنىڭ ەرلىگى ەسكەرۋسىز قالماي، مەملەكەتتىك ناگرادامەن ماراپاتتالعانىنا ىقىلاسىن ءبىلدىرىپ، ەلدىڭ امان­دىعىنا تىلەكتەستىگىن جەتكىزدى. مارقۇمنىڭ ارتىندا جارى مەن بەس بالاسى قالعان.

 

جامبىل وبلىسى

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار