كوروناۆيرۋس • 19 قاڭتار، 2022

شىعىستا شەكتەۋلەر ەنگىزىلدى

70 رەت كورسەتىلدى

الدىڭعى تاۋلىكتە شىعىس قازاقستان وبلىسىندا كوروناۆيرۋس ينفەكتسياسىنىڭ 213 جاعدايى تىركەلىپ، «قىزىل» ايماققا» ەندى. وڭىردەگى احۋالعا بايلانىستى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى عالىمبەك ءاليننىڭ قاتىسۋىمەن ءباسپاسوز كونفەرەنتسيا­سى ءوتتى.

17 قاڭتاردا ءوڭىردىڭ باس سا­نيتارلىق دارىگەرىنىڭ كەزەكتى قاۋلىسى شىقتى. وبلىستىڭ «قى­زىل ايماققا» وتۋىنە باي­لانىس­تى وسى كۇننەن باس­تاپ، وبلىستىڭ ءبىلىم بەرۋ وبەك­تىلەرى ءوز قىزمەتىن جاڭا جۇمىس رەجىمىندە جالعاستىرا­تىن بولا­دى. سانيتارلىق-ەپيدەميولو­گيالىق باقىلاۋ دەپارتامەنتى باسشىسىنىڭ ورىنباسارى عا­لىم­بەك ءاليننىڭ ايتۋىنشا، ۆاك­­تسينالاۋدىڭ تولىق كۋرسىن اياقتاعان 9، 11-سىنىپتار – شتات­­تىق فورماتتا، ال قال­عان وقۋشىلار قاشىقتان وقى­­­تۋعا كوشىرىلەدى. سىنىپتا كورو­نا­ۆيرۋستىڭ ءبىر جاع­دايى تىركەلسە، سىنىپ تۇگەل­دەي 14 كۇن ءۇي كاران­تينىنە وقشاۋلانادى.

– كوللەدجدەر مەن جوعارى وقۋ ورىندارىنىڭ ستۋدەنتتەرى ءۇشىن ارالاس وقۋ فورماتى بەكىتىلگەن. ياعني دارىستەر ونلاين فورماتتا، ال تاجىريبەلىك، زەرتحانالىق، سەمينارلىق ساباقتار شتاتتىق رەجىمدە جۇرگىزىلەدى. وقۋ ورنى اكىمشىلىگىنىڭ شەشىمى بويىنشا ۆاكتسينالاۋدىڭ تولىق كۋرسىن اياقتاعان ستۋدەنتتەردى شتاتتىق رەجىمدە وقىتۋعا رۇقسات بەرىلەدى، – دەيدى ع.الين.

ەنگىزىلگەن شەكتەۋلەر ەل­دەگى جانە وبلىستاعى ەپيدە­ميا­لىق جاعدايدى تۇراقتان­دىرۋعا، اۋ­رۋ­لار سانىن ازايتۋعا، نەعۇرلىم قاتاڭ شەكتەۋ شارالارىن ەنگىزۋگە جول بەرمەۋگە باعىتتالعانى بەلگىلى.

ءسويتىپ، Ashyq جوباسىنا قاراماستان بىرقاتار نىساننىڭ قىزمەتىنە تىيىم سالىندى. اتاپ ايتساق، 20 قاڭتاردان باستاپ، كونتسەرت زالدارىنىڭ، تەاترلاردىڭ، تسيركتەردىڭ، فيلارمونيالاردىڭ قىزمەتى توقتاتىلدى. ءدىني نىسانداردا، ۇجىمدىق ءىس-شارالار وتكىزۋگە تىيىم سالىنادى. سونى­مەن قاتار كونفەرەنتسيا، سەمينار، كورمە، فورۋم وتكىزۋگە دە بول­ماي­دى. تۇنگى كلۋبتاردىڭ قىز­مەتى دە توقتايدى. ال جەكە كەز­­دەسۋلەرگە كەلەر بولساق، ۆاك­تسي­نالانعان 10 ادامعا دەيىن رۇق­سات بەرىلگەن. Ashyq جوباسىندا «جاسىل» مار­تەبەسى بار ازاماتتار سپورتتىق-ساۋىق­­تىرۋ ورتالىقتارىنا، فيت­­­­نەس-ورتا­لىقتارعا، يوگا-ورتا­­­لىقتارعا، مونشالارعا، ساۋ­نا­لارعا، باسسەيندەرگە كىرە الا­دى.

ىندەتتىڭ تارالۋىنا توسقاۋىل بولۋ ءۇشىن وبلىستاعى «اۋىل»، «ۋبا»، «باقتى»، «مايقاپشاعاي» اۆتوجولدارىنا 4 سانيتارلىق بە­كەت قويىلاتىنى حابارلاندى. بۇل شارا وبلىستىڭ باس مەم­لە­كەت­تىك سانيتارلىق دارىگەرى جا­ريا­­لاعان قاۋلى بويىنشا ىسكە اسى­رىلادى. قاۋلىدا «باس مەم­لە­كەتتىك سانيتارلىق دارى­گە­رىنىڭ قاۋلىسىمەن بەكىتىلگەن «مەم­لەكەت­تىك شەكاراسى ارقىلى وتكىزۋ پۋنكتتەرىنەن تەمىر جول، تەڭىز، وزەن كولىگىندە جانە اۆتو­­­وتپە جول­دارىندا كەلەتىن ادام­دارعا قا­تىستى شەكتەۋ شارالارىنا ساي­كەس قازاقستاننىڭ مەملەكەتتىك شەكاراسى ارقىلى اۆتووتپە جولدارىنا «اۋىل»، «ۋبا»، «باقتى»، «ماي­­­قاپ­شا­عاي» (بورودۋليحا، زاي­سان، شە­مونايحا، ءۇرجار اۋدان­دارى بويىنشا 1 بىر­لىك­تەن) وت­كىزۋ پۋنكتەرىندە 4 سا­نيتا­ر­­لىق بەكەت­تىڭ جۇمىس ىستەۋىن قام­­­­­تا­ماسىز ەتسىن» دەپ جازىلعان.

ايتا كەتسەك، قاۋلى 2022 جىل­­­­عى 17 قاڭتاردان باستاپ كۇ­شى­نە ەنەدى جانە ونىڭ رەسمي كۇ­شى جويىلعانعا دەيىن قولدانى­لادى. «قىزىل اي­ماق» بويىنشا كوزدەل­گەن نىسان­داردىڭ قىز­مەتىن شەك­تەۋ شارالارى 2022 جىلعى 20 قاڭتاردان باستاپ شىعىس قازاقستان وبلىسىنىڭ بارلىق اۋماعىندا قولدانىلا باستايدى.

 

شىعىس قازاقستان وبلىسى

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار