ء«ىىم سەنىم تەلەفونىنىڭ» ناتيجەلەرى حالىقتىڭ پوليتسياعا دەگەن سەنىم دەڭگەيى ارتقانىن, تۇرعىندار مەن پوليتسيا قىزمەتكەرلەرى اراسىنداعى بايلانىستىڭ جاقسارا تۇسكەنىن ايقىن كورسەتەدى. مەملەكەت باسشىسىنىڭ پوليتسيانى سەرۆيستىك جۇمىس مودەلىنە كوشىرۋ تۋرالى تاپسىرماسىندا ءدال وسىنداي مەجە كوزدەلگەن بولاتىن. سوندىقتان قازىرگى ۋاقىتتا ىشكى ىستەر ورگاندارىنىڭ قىزمەتكەرلەرى ازاماتتاردىڭ ءاربىر ءوتىنىشى زاڭدى شەشىمدەر قابىلداۋمەن مۇقيات قارالۋى ءتيىس ەكەنىن تۇسىنەدى. ءىىم قىزمەتتەرى كەلىپ تۇسكەن بارلىق حابارلامالاردىڭ ناقتى مونيتورينگىن قامتاماسىز ەتەدى جانە ولاردى تولىق شەشكەنگە دەيىن قاراۋسىز قالماۋىن قاداعالايدى.
بەينەكونفەرەنتسبايلانىس قۇرالى بويىنشا ىشكى ىستەر ءمينيسترى قىزمەتتەر مەن اۋماقتىق بولىمشەلەردىڭ باسشىلارىنا ازاماتتاردىڭ كونستيتۋتسيالىق قۇقىقتارىنىڭ مۇلتىكسىز ساقتالۋىن قامتاماسىز ەتۋدى, بارلىق تەرگەۋ ارەكەتتەرىن قىلمىستىق ءىس جۇرگىزۋ كودەكسىنىڭ نورمالارىن قاتاڭ ساقتاي وتىرىپ جۇرگىزۋدى تاپسىردى.
بۇدان باسقا, مينيستر ءاربىر ءوتىنىش بويىنشا مۇقيات تەكسەرۋ جۇرگىزۋدى, ونىڭ ناتيجەلەرىن ءوتىنىش باستاماشىلارىنا جەتكىزۋدى نەمەسە ولاردى ينتەرنەت رەسۋرستاردا ورنالاستىرۋدى تالاپ ەتتى. وسى ماقساتتا ازاماتتاردى اپتا سايىن قابىلداۋ كەستەسىن جاساۋ, ازاماتتار ءۇشىن فرونت-وفيستەر مەن قابىلداۋ بولمەلەرىنىڭ ۇزدىكسىز جۇمىسى قامتاماسىز ەتىلدى. ءىىم-گە جۇرگىزىلگەن جۇمىس تۋرالى ەسەپتەر جىبەرىلىپ تۇرادى. ماسەلەن, بۇگىن اتىراۋ وبلىسى پد باسشىلىعىنا پوليتسيا قىزمەتكەرلەرىنىڭ دەنساۋلىعىنا زيان كەلتىرۋ فاكتىسىنە تەكسەرۋ جۇرگىزۋ تاپسىرىلدى. ء«ىىم سەنىم تەلەفونىنىڭ» جۇمىسى جالعاسۋدا, ونىڭ ناتيجەلەرى تۋرالى جۇرتشىلىققا ۇنەمى حابارلانادى.
