قالالىق كاسىپكەرلىك ءبولىمىنىڭ مالىمەتىنە سۇيەنسەك, وسكەمەندە ازىق-ت ۇلىك باعاسىنا اپتا سايىن مونيتورينگ جۇرگىزىلۋدە. الەۋمەتتىك ماڭىزى بار ازىق-ت ۇلىك ساناتىنا جەمىس-جيدەك پەن كوكونىستى قوسقاندا 19 ءتۇرلى ءونىم كىرەدى.
«توتەنشە جاعداي كەزىندە ازىق-ت ۇلىك باعاسى كوتەرىلمەگەن. بارلىق الەۋمەتتىك ماڭىزى بار تاۋارلار قولجەتىمدى, ەشقانداي تاپشىلىق جوق. باعانى باقىلاۋ جۇمىستارى الداعى ۋاقىتتا دا ۇزدىكسىز جۇرگىزىلەدى», دەدى ءبولىم باسشىسى عاسان تۇرعانباەۆ.
ونىڭ ايتۋىنشا, بيىل شاھار بويىنشا تۇراقتاندىرۋ قورىنىڭ پۋنكتەرى كوبەيتىلمەك.
«قازىرگى ۋاقىتتا وسىنداي 16 پۋنكت بار. قاڭتار ايىنىڭ سوڭىنا دەيىن تاعى بىرنەشە پۋنكت پايدالانۋعا بەرىلەدى. ال جالپى جىل اياعىنا دەيىن تۇراقتاندىرۋ قورى نىساندارىنىڭ جالپى سانىن 50-گە جەتكىزۋ جوسپارلانىپ وتىر», دەدى ع.تۇرعانباەۆ.
