ەكونوميكا • 18 قاڭتار، 2022

نەگىزگى ازىق-ت ۇلىكتىڭ 5 ايلىق قورى جيناقتالدى

64 رەت كورسەتىلدى

بۇگىن ۇكىمەت وتىرىسىندا قر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ ىشكى نارىقتى وتاندىق ءوندىرىس تاۋارلارىمەن تولىقتىرۋ بويىنشا جوسپارلى جۇمىس جۇرگىزىلىپ جاتقانىن مالىمدەدى، دەپ حابارلايدى Egemen.kz.

«مەملەكەت باسشىسىنىڭ ينفلياتسيا دەڭگەيىن تەجەۋ جانە مەملەكەتتىك رەتتەۋ شارالارىن كۇشەيتۋ جونىندەگى تاپسىرمالارىن ىسكە اسىرۋ ءۇشىن سالالىق مەملەكەتتىك ورگاندار بىرقاتار شارالاردى ازىرلەدى. ۆەدومستۆوارالىق ءىس-قيمىل ۇكىمەت دەڭگەيىندە ۇيلەستىرىلەتىن بولادى»، دەدى مينيستر.

سونىمەن قاتار باقىت سۇلتانوۆ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ۇستاپ تۇرۋ جونىندەگى ءىس-شارالار تۋرالى ايتتى.

بىرىنشىدەن، بۇل ازىق-ت ۇلىك تاۋارلارىنىڭ نەگىزگى تۇرلەرىنىڭ باعالىق قولجەتىمدىلىگىن قامتاماسىز ەتۋ شارالارى ەسكەرىلگەن. وسى باعىتتا اۋىل شارۋاشىلىعى مينيسترلىگى ىشكى نارىقتى وتاندىق ءوندىرىس تاۋارلارىمەن تولىقتىرۋ بويىنشا جوسپارلى جۇمىس جۇرگىزۋدە.

«قازىرگى ۋاقىتتا نەگىزگى ازىق-ت ۇلىك تۇرلەرىنىڭ 5 ايلىق قورى قامتاماسىز ەتىلگەن دەۋگە بولادى. بۇل نارىقتاعى تاپشىلىقتى بولدىرماۋعا كەپىلدىك بەرەدى. اۋىل شارۋاشىلىعى مينيسترلىگى ساۋدا جانە ينتەگراتسيا مينيسترلىگىمەن بىرلەسىپ، ءوندىرىس-تۇتىنۋ بالانسىن ايقىندايدى، سونداي-اق قاجەت بولعان جاعدايدا ەكسپورتتىق شەكتەۋلەردى ەنگىزەدى»، دەدى مينيستر.

ەكىنشىدەن، ساۋدا ۇستەمەلەرى مەن سىياقىلارعا مەملەكەتتىك باقىلاۋدى كۇشەيتۋ، سونداي-اق شەكتى باعالاردى ۋاقتىلى ەنگىزۋ ارقىلى باعانىڭ وسۋىنە جول بەرمەۋگە باعىتتالعان قادامدار قامتىلعان.

ۇشىنشىدەن، باعانىڭ جوعارى ءوسۋ تاۋەكەلى تۋىنداعان جاعدايدا، مونوپولياعا قارسى ورگاننىڭ قۇزىرەتى شەگىندە ناقتى تاۋار نارىقتارىندا مەملەكەتتىك باعالىق رەتتەۋدى ەنگىزۋ ەسكەرىلگەن.

سوڭعى جاڭالىقتار

ۇقساس جاڭالىقتار