قوعام • 18 قاڭتار، 2022

سۇيىتىلعان گاز ساتۋشىلارىنا قاتىستى تەرگەۋ باستالدى

44 رەت كورسەتىلدى

بۇل تۋرالى ۇكىمەت وتىرىسىندا باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين ايتتى، دەپ حابارلايدى Egemen.kz.

«باس پروكۋراتۋرامەن بىرلەسىپ 6 كوتەرمە سۇيىتىلعان گاز ساتۋشىسىنا («قازمۇنايگاز» اق، «Petrosun» جشس، «سنپس-اقتوبەمۇنايگاز» اق، «قازگەرمۇناي بك» جشس، «قازاقويل اقتوبە» جشس جانە «قازگوز» جشس - مونوپوليالىق جوعارى باعالاردى بەلگىلەۋ بولىگىندە ۇستەم جاعدايدى تەرىس پايدالانۋ بەلگىلەرى بويىنشا) جانە سۇيىتىلعان مۇناي گازىن بولشەك ساۋدادا وتكىزۋ نارىعىنىڭ 180 سۋبەكتىسىنە قاتىستى تەرگەپ-تەكسەرۋلەر تاعايىندالدى. باعانىڭ ءوسۋىنىڭ نەگىزگى سەبەبى ەلەكتروندىق ساۋدا الاڭىنداعى باعا مەحانيزمىنىڭ جەتىلمەگەندىگى ەكەنىن تەرگەپ-تەكسەرۋدىڭ الدىن الا ناتيجەلەرى كورسەتتى»، دەدى سەرىك جۇمانعارين.

ونىڭ ايتۋىنشا، وسىعان بايلانىستى، وتكەن جىلى «گاز جانە گازبەن جابدىقتاۋ تۋرالى» زاڭناماعا وزگەرىستەر ەنگىزىلدى جانە مەملەكەت باسشىسى 2021 جىلعى 30 جەلتوقساندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋدا قىزمەتى، بيرجالىق ساۋدانى دامىتۋ جانە دەربەس دەرەكتەردى قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى جانە وسى جىلدىڭ وزىندە سۇيىتىلعان مۇناي گازىن وتكىزۋ تاۋار بيرجالارىنا اۋىسادى جانە تۇراقتى باقىلاۋدا بولادى.

سوڭعى جاڭالىقتار

ۇقساس جاڭالىقتار